بیرجند ده سککیز بهایی ۱۴۷ آی حبس جزاسینا محکوم ائدیلدیلر
گونئی خوراسان تئمییز محکمه‌‌سی‌نین ۴ سایلی شؤبه‌سی، سککیز بهایی وطنداشی توپلام ۱۴۷ آی حبس جزاسینا محکوم ائتدی.
حؤکمه اساساً، «عطاءالله ملاکی» و «سعید ملاکی»نین هر بیری ۲۴ آی، «آرزو محمدی»، «عطیه صالحی» و «رویا ملاکی»، ایسه هر بیری ۱۸ آی حبس جزاسینا محکوم ائدیلدی.
«فرزانه دیمی»، «نسرین قدیری» و «بنفشه مختاری» ایسه هر بیری ۱۵ آی حبس جزاسینا محکوم ائدیلدی.
«ابراهیم رمضانی» و «حمید عرب زاده»، گونئی خوراسان تئمییز محکمه‌‌سی‌نین 4 سایلی شؤبه‌سی‌نین رئیسی و مصلحتچیسی اولاراق بو قراری تایید ائدیبلر.
بو ایلین اردیبهشت آییندا بیرجند اینقیلاب محکمه‌‌سی‌نین ۲-جی شؤبه‌سی، حاکم «حجت نبوی»نین، باشقانلیغی ایله «قانونسوز بیر تشکیلاتا عضو اولماق و بهایی تهلوکه‌‌‌سیزلیگینی پوزماق» و «بهایی تشکیلاتی یارارینا تبلیغات» اتهاملاری ایله بو سککیز بهایی وطنداشین هر بیرینی آلتی ایل حبس جزاسینا محکوم ائتمیشدی.
«رحمت الله دیمی» ایسه یاشلیلیق سببی ایله ایلکین محکمه طرفیندن اوچ ایل سککیز آی حبس جزاسینا محکوم ائدیلمیشدی کی تئمییز محکمه‌‌سینده عفو ائدیلدی.
