بهنام شیخی بهاریستان ساوجیلیغی‌نین ایکینجی شؤبه‌سینه چاغیریلیب
مدنی فعال بهنام شیخی سامانلو ایران عدليه سیستمی‌نین الکترون سیستمی واسطه‌‌‌سیله آلدیغی بیلدیریشدن سونرا ۱۰ گون ایچینده تهران ایالتی‌نین بهاریستان شهری‌نین عومومی و اینقیلاب ساوجیلیغی‌نین ایکینجی شؤبه‌سینه گئتمه‌سی ایسته‌نیلیب.
۲۱ اردیبهشت ۱۴۰۲-جی ایلده بو شؤبه‌دن وئریلن چاغیریش ورقه‌سی‌نین متنینده بهنام شیخی ایله یاناشی؛ اکبر آزادعلی بابالو، حمید منافی نظرلو، رستم کاظم‌پور، عزیز فرشی، منصور فتحی، علیرضا فرشی دیزجیکان و محمود اجاقلونون آدلاری دا بو لیستده یئر آلیب.
بهنام شیخی، اکبر آزاد، علیرضا فرشی و حمید منافی نادارلی ایله بیرلیکده ۱۳۹۲-جی ایلده دونیا آنا دیلی گونو مراسیمینه قاتیلدیقلارینا گؤره توتولدولار، بوندان سونرا هر بیری تهران تئمییز محکمه‌‌سی‌نین ۵۴ سایلی شؤبه‌سی طرفیندن ۲ ایل حبس و ۲ ایل سورگون جزاسینا محکوم ائدیلدی. بو شخصلر “میلی گوونلیگه قارشی قروپ و دسته‌لره عضو اولماق” ماده‌‌سی ایله اتهام اولونورلار.
