هلی‌کوپتر قضاسیندا کئچمیش جمهورباشقانی رئیسی ایله بیرلیکده اؤلن دوغو آذربایجانین والیسی‌نین یئرینه ایرانین داخیلی ایشلر ناظری‌نین فرمانی ایله بهرام سرمست تعیین ائدیلیب.

سیاست بیلیکلری معزونو اولان سرمست، بوندان اؤنجه، قوم والیسی تجروبه‌سینه و داخیلی ایشلر ناظرلیگینده چئشیدلی یؤنتیم ساحه‌لرینه صاحب اولوب.

۱۳۴۸-جی ایلده بوناب شهرینده آنادان اولان بهرام سرمست سیاست بیلیملر اوزره دوکتورلوق درجه‌سینی آلیب و کئچمیشده ۱۳۹۷-جی ایلدن ۱۴۰۰-جو ایله قدر قوم والیسی اولوب.

سرمست آیریجا داخیلی ایشلر ناظرلیگی‌نین سیاسی مودیری، تهران والیلیگی‌نین سئچکیلر، سیاسی و اؤلکه ایداری بؤلمه مودیری و دوغو آذربایجان والیلیگی‌نین سیاسی و انتظامی مودیری کیمی گؤره‌ولرده یئر آلمیشدیر.

بهرام سرمست سون اوچ ایلده دوغو آذربایجان‌دا گؤره‌وه گتیریلمیش اوچونجو والیدی. کئچمیش هر ایکی والی حیاتینی ایتیریب.