بهایی وطنداش شیوا خلیلی حؤکم ایجراسی اوچون حبس‌خانایا آپاریلیب
بهایی وطنداش شیوا خلیلی ۲۹ آذر ۱۴۰۲-جی ایل چارشنبه گونو حؤکمون ایجرا شؤبه‌سینه موراجعت ائتدیکدن سونرا حبس ائدیلدی و حؤکمون ایجراسی اوچون بابول حبس‌خاناسینا کؤچورولدو.
بابول اینقیلاب محکمه‌‌سی‌نین بیرینجی شؤبه‌سی و مازانداران ایالتی‌نین ایکینجی تئمییز شؤبه‌سی بو بهایی وطنداشی ایسلام جینایت قانونونون ۵۰۰-جو ماده‌‌سی اساسیندا رژیمه قارشی تبلیغات آپارماق اتهامی ایله بیر ایل مدتینه آزادلیقدان محروم ائدیب.
خانیم خلیلی ۲۵ آبان ۱۴۰۰-جو ایل چارشنبه آخشامی بو شهرین عومومی و اینقیلاب ساوجیلیغی‌نین ۱-جی شؤبه‌سینه تلفونلا چاغیریلدیقدان سونرا حبس ائدیلمیش و بیر گون سونرا گیروو قارشیلیغیندا سربست بوراخیلمیشدیر.
شیوا خلیلی‌یه قارشی اتهاملارین دینله‌مه‌سی ۲۲ آذر ۱۴۰۰-ده بابول عومومی و اینقیلاب محکمه‌‌سی‌نین بیرینجی شؤبه‌سینده کئچیریلدی. ایلکین حؤکمده محکمه بو بهایی وطنداشی بیر ایل مدتینه آزادلیقدان محروم ائتمه و جینایته آلتی کیمی موبیل تلفونونو موصادیره ائتمک قرارینا گلیب.
