بسیج عضوو تبریزده دئوریه زامانی اؤلدورولوب
اینقیلاب کئشیکچیلری تبریزده امیر حسین‌پور آدلی بسیج عضوونون اؤلدورولدویونو آچیقلاییب.
عاشورا اینقیلاب کئشیکچیلری‌نین اعلانینا گؤره، بو بسیجی ۲۰ تیرده هوجوما معروض قالیب و ۴ گوندن سونرا دونیاسینی ديیشیب.
تبریز عاشورا اینقیلاب کئشیکچیلری هوجوم ائده‌نین کیملیگینی و مقصدینی قئید ائتمه‌دن بو بسیج‌یه اونون باشیندان و گؤزوندن آغیر یارالاندیغینی بیلدیریب.
اینقیلاب کئشیکچیلرینه باغلی مئدیا امیر حسین‌پورون حربی فورما گئییندیگی شکلینی درج ائدیب و اونون ۱۳۷۵-جی ایل ۲۷ خرداددا آنادان اولوب.
فارس خبر آژانسی یازیب کی، حسین‌پورون یارالاری او قدر آغیر اولوب کی، حکیملرین اونو یاشاتماق اوچون گؤستردیگی چابالار فایداسیز اولوب.
فارسین وئردیگی بیلگیلره گؤره، امیر حسین‌پور رضویون محله دئوریه عضوو اولوب و گؤرو زامانی هوجوما معروض قالیب.
رضویون دئوریه‌سی ۱۳۹۸-جی ایلین اردیبهشت آییندا اینقیلاب کئشیکچیلری، محکمه و پولیس قوه‌لری‌نین کووردیناسییاسی ایله فعالیته باشلاییب. ایسلام جمهورییتی‌نین حاکیميت اورقانلاری بو پلانین مقصدینی بسیج قوه‌لری‌نین بؤیوک ایشتیراکی ایله “چئشیدلی جینایتلر” قارشی موباریزه آپارماق اولدوغونو آچیقلاییبلار، لاکین تنقیدچیلر حساب ائدیر کی، بو پارالئل فعالیتلرین یارادیلماسیندا مقصد حؤکومت قوه‌لری‌نین اؤلکه‌ده اعتراضلاری یاتیرماق اوچون گئنیش ایشتیراکی و اونلارا نظارت ائتمکدیر.
