بایرامدا اؤلومله سونوجلانان قضالارین یوزده ۸۳ یئرلی اورتیم اتومبیللره عایددیر ۱۳ فروردین ۱۴۰۳
اؤلکه‌نین یول پولیسی‌نین رئیسی بیلدیریب کی، پولیسین نوروز پروژه‌سی باشلایاندان اؤلومله سونوجلانان قضالاردا یئرلی اتومبیللرین پایی یوزده ۸۳ اولوب.
اؤلکه‌نین یول پولیسی‌نین رئیسی حسن مومنی ده آرتیریب کی، ایندییه‌دک اؤلومله سونوجلانان قضالاردا پژو و پراید مارکالی اتومبیللرین پایی دا یوزده ۶۲ اولوب.
بو راپورا گؤره، اؤلومله سونوجلانان قضالاردا خاریجی اتومبیللرین پایی یالنیز یوزده ۱۷ اولوب.
بو، سون گونلر ایلک دفعه‌‌دیر کی، ایران پولیسی اؤلومله سونوجلانان قضالاردا یئرلی اتومبیللرین رولونو گؤسترن دقیق ایستاتیستیکا تقدیم ائدیر.
بوندان اؤنجه پولیس یئتکیلیلری نوروزداکی قضالارین اساس گوناهکارلارینی سوروجولر اولاراق بیلدیرمیشدی.
۱۴۰۳-جو ایلین نوروز بایرامیندا یول قضالاری سونوجوندا ۷۰۰ نفره یاخین اینسان حیاتینی ایتیریب.
ایراندا اتومبیل صنایع‌سی حدن آرتیق رانتا باغلیدیر و اؤلکه‌یه خاریجی کئیفيتلی اتومبیللرین ایدخالی‌نین قارشیسی آلینیر.
داها اؤنجه پولیس قوه‌لری‌نین چئشیدلی کوماندیرلری ایران یوللاریندا تئکنیکی پوزونتولار و یا یئرلی کئیفيتی‌نین آشاغی اولماسی ایله باغلی سوسور، بونون اساس گوناهکاری دؤولت قوروملاری اولان قضالارین سببلرینده یالنیز خالقی گوناهلاندیریردیلار.
دونیا اؤلکه‌لری آراسیندا ایران یول قضالاری‌نین ایستاتیستیکاسینا گؤره بیرینجی یئرده‌دیر.
