باغالاما اؤیرتمنی، رضا عبدالهی پیرعلیلو تبریزده توتوقلانمیش
باغلاما اؤیرتمنی، موسیقی اوستادی، و “تبریز باغلاما ائوی”- نین قوروجوسو رضا عبدالهی پیرعلیلو۱۴۰۱-جی ایلین مهر آیی‌نین ۲۴-ده تبریز شهرینده، امنیت قووه‌لری طرفیندن توتوقلانیب بللی اولمایان بیر یئره گؤندریلمیشدیر. آهرازا وئریلن خبرلره گؤره، امنیت قووه‌لری بو صنعتکاری توتوقلایارکن اونون ائوینین دؤرد بوجاغینی آختاردیقدان سونرا، شخصی اشیالارینی، او جومله‌دن بیلگی سایار و جئب تئلفونونو دا اؤزلری ایله آپارمیشلار. هله اونون یئری و توتوقلانما ندنی امنیت اورقانلاری طرفیندن آچیقلانمامیشدیر.
