باتی آذربایجان طبّ علملری بیلیم‌یوردونون رئیسی: کرونا باتی آذربایجاندا رکورد قیردی
باتی آذربایجان طبّ علملری بیلیم‌یوردونون رئیسی ایالتده کرونا خسته‌لیگی‌نین آرتماسی باره‌ده خبردارلیق ائده‌رک دئدی: سون ۲۴ ساعت ایچینده ۲۷۰۰-دن چوخ کرونا تستی آپاریلدی کی، بو دا سون بیر آیدا ان یوکسک تست ساییدیر.
مهره وئردیگی موصاحیبه‌ده آقازاده ایالتده اؤتن گئجه ۷۳۴ یئنی کرونا خسته‌لیگی حادثه‌‌‌سی‌نین اورتایا چیخدیغینی بیلدیره‌رک سؤزلرینی داوام ائتدیردی، بو دا کئچن ایلین آذر آییندان بری ایالتده بو خسته‌لیگین یئنی بیر قئیدینی گؤستریر. او بو خسته‌لردن ۵۴ نفری‌نین باتی آذربایجان خسته‌خانالارینا یئر‌لشدیریلدیگینی آچیقلادی.
آقازاده، باتی آذربایجاندا کسکین تنفوس سیندروملو خسته‌لرین سایی‌نین ۵۱۲ نفره چاتماسینا توخوناراق دئدی: بونلاردان ۲۵۱ نفری شوبهه‌له‌نیلیر و ۲۶۱ نفری خسته‌لیگه یولوخموشدور.
آقازاده دئدی: سون ۲۴ ساعت ایچینده خوی‌دا دا ایکی نفر کرونا خسته‌لیگیندن اؤلدو و ایالتده کووید خسته‌لیگی سببییله اؤلنلرین توپلام سایی ۳ مین ۷۵۷ نفره چاتدی.
او آرتیردی ایندییه قدر باتی آذربایجاندا تخمیناً ۱۲۳ مین اینسانا کروناویروس یولوخدو. اینسانلارین نورماللاشما پروسه‌سینه داوام ائتمه‌سی ایله ایالتده بو خسته‌لیگین دؤردونجو دالغاسینی گؤره‌جییک و بونونلا موباریزه آپارماغین تک یولو ساغلاملیق قایدالارینا عمل ائتمکدیر.
iranwire
