باتی آذربایجاندا ۴ میندن چوخ صینیف سؤکولوب یئنیلنمه‌لیدیر
باتی آذربایجاندا اوخوللارین یئنیلنمه‌سی، گلیشمه‌سی و آوادانلیغی‌نین باش مودیری دئییب: توپلام ۴ مین ۳۷ صینیف اوتاغی، یعنی ایالتده‌کی صینیفلرین یوزده ۲۰.۹ سؤکوله‌رک یئنیلنمه‌لیدیر.
رحمانی ایسنا خبر آژانسینا وئردیگی موصاحیبه‌سینده آرتیریب: اؤلکه‌نین اوخوللاری‌نین مدرن‌لشدیریلمه‌سی تشکیلاتی‌نین راپورونا گؤره، ایالتده صینیفلرین یوزده ۳.۸ سؤکولمه‌لیدیر و یوزده ۱۷.۱ یئنیلنمه‌لیدیر.
او، خوی شهرینده سؤکولن و یئنیدن تعمیره احتیاجی اولان مکتبلرین پایینا توخوناراق دئدی: خوی‌دا ۸۷ صینیفین سؤکولمه‌سینه و ۴۵۱ صینیفین یئنیدن تعمیره احتیاجی وار.
باتی آذربایجاندا اوخوللارین یئنیلنمه‌سی، گلیشمه‌سی و آوادانلیغی‌نین باش مودیری اوخول بیناسیندا خیرلرین رولونا توخوناراق دئدی: کئچن ایل اوخول خیرلری ۴۸۰ میلیارد تومنلیک عهده‌‌لیک گؤتوردولر کی، بو دا اؤنجه‌کی ایلله موقایسه‌‌ده چوخلو ایره‌لیلییش الده ائتدیک.
ایران آنایاساسی‌نین ۳۰-جو ماده‌‌سینه اساساً، حؤکومت لیسه‌یی بیتیرنه قدر بوتون خالق اوچون پولسوز ائیتیم ایمکانلاری یاراتماغا و عالی ائیتیم ایمکانلارینی اؤلکه‌نین اؤزونو تعمین ائتمه سويه‌‌سینه قدر پولسوز گئنیشلندیرمه‌یه مکلف‌دیر.
