باتی آذربایجاندا کرونادان اؤلنلرین سایی ایکی رقملی اولدو
باتی آذربایجان بیلیم‌یوردونون کرونایا قارشی موباریزه قرارگاهی‌نین بیلگی قروپونون رئیسی دئدی: ایالتده خسته و خسته‌خانایا یئر‌لشدیرمه سایی آرتماقدادیر و بیز حقیقتاً کرونا خسته‌لیگی‌نین بئشینجی زیروه‌سینه قدم قویموشوق.
علی احمد آقاپور، سون هفته‌لرده کسکین تنفوس خسته‌لیگی ایله خسته‌خاناسینا یئر‌لشدیریلن خسته‌لرین سایی‌نین ۵۰۰ نفر سويه‌‌سینده اولماسینا باخمایاراق بو خسته‌لیگی‌نین آرتدیغینی و ایالتده ۶۰۰ نفر سويه‌‌سینه چاتدیغینی سؤزلرینه علاوه ائتدی و دئدی: سون ۲۴ ساعت ایچینده ایالتده گونده‌لیک اؤلنلرین سایی ایکی قات آرتاراق ۱۰ نفره چاتیب.
آقاپور داوام ائتدی: کرونا ویروسونون اینگیلیس واریانتی‌نین اؤتورولمه سرعتی چین ویروسوندان یوزده ۹۰ و هندوستان وارییانتی اینگیلیس واریانتیندان یوزده ۴۰ داها یوکسکدیر، بونا گؤره هندوستان کرونا ویروسونون اؤتورولمه درجه‌‌‌سی چوخ یوکسکدیر.
او آرتیردی سون ۲۴ ساعت ایچینده باتی آذربایجاندا ۴۴۵ نفره کرونا خسته‌لیگی تشخیصی قویولوب و اونلارین یوزده ۲۶-سی یعنی ۱۱۷ نفری خسته‌خانایا یئر‌لشدیریلیب.
آقاپور ۱۵۷ نفرین باتی آذربایجان طب مرکزلری‌نین اؤزل باخیم شؤبه‌لرینه یاتیریلدیغینی آچیقلادی و دئدی: بونلاردان ۲۸ نفری ونتیلاتور واسطه‌‌‌سی ایله نفس آلیر.
ایندییه قدر ۱۸۵ مین نفره ایالتده کرونا خسته‌لیگی تشخیصی قویولوب و اونلارین ۲.۶ فایزی حیاتینی ایتیریب.
iranwire
