باتی آذربایجاندا خسته‌خانایا یئر‌لشدیریلن کرونا خسته‌لری‌نین گونده‌لیک سایی ۱۰۰۰ نفری کئچدی
باتی آذربایجاندا کسکین تنفوس سندرومو نه‌دنی ایله خسته‌خانایا یئر‌لشدیریلن خسته‌لرین سایی مین نفری کئچدی و بئله‌لیکله، سون ۲۴ ساعت ایچینده خسته‌لرین سایی ۱۱۰۹ نفره چاتدی.
سون ۲۴ ساعت ایچینده ۴۹۵ کرونا شوبهه‌لی اولان خسته باتی آذربایجان خسته‌خانالارینا یئر‌لشدیریلیب، اونلاردان ۱۹۵ نفری ده آی‌سی‌یو شؤبه‌لرینه یئر‌لشدیریلیب.
علاوه اولاراق، سون ۲۴ ساعت ایچینده ایالتده ۶۰۳ قطعی کرونا خسته‌سی تثبیت ائدیله‌رک، ونتیلیاتورا قوشولان آغیر خسته‌لرین توپلام سایی ۲۶ نفره چاتدی.
ایندییه قدر ایالتده ۳۷۹ مین ۳۰۳ نفر کرونا خسته‌لیگینه قارشی آشیلانیب، اونلاردان ۴ مین ۴۱ نفری سون ۲۴ ساعت ایچینده آشی اولونوب.
دونیانین چوخلو اؤلکلرینده آشیلانما ساغلیق ایشچیلری‌نین ایش یوکونو معین قدر آزالدا بیلسه ده، ایران اؤلومجول ویروس یاییلماسی‌نین بئشینجی دالغاسی ایله اوزلشیر.
سون آیلاردا حکیملرین و باشقا ساغلیق ایشچیلری‌نین اینتیحار ائتمه‌سی ایله باغلی چوخلو بیلگیلر یاییلیب. اردیبهشت آییندا رادیولوژی فاکولته‌سینده ائیتیم آلان اؤیرنجی‌لرین آردیجیل اینتیحار ائتمه‌سی مانشئتلره چیخمیشدی.
iranwire
