بابک رحمتی بوناب شهرینده حبس ائدیلیب

تورک مدنی فعال بابک رحمتی بوناب شهرینده گوونلیک گوجلری طرفیندن حبس ائدیلیب.

بو آذربایجانلی فعال ۲۵ شهریور ۱۴۰۲-جی ایل شنبه گونو گوونلیک گوجلری طرفیندن حبس ائدیله‌رک بلیرسیز یئره آپاریلیب.

بو واختا قدر جناب رحمتی‌نین حبسی‌نین سببلری، ایره‌لی سورولن اتهاملار و هارادا اولماسی باره‌ده آیریتیلی بیلگی یوخدور.

«داوود شیری»، «علی بابایی»، «امیرحسین آقایی»، «محمدرضا موحد»، «آزار ابراهیم‌زاده» و «جواد سودبر» وجوما گونو، ۲۴ شهریورده ایسه “مهرداد قادری” تبریز اطلاعات ایداره‌سی‌نین مامورلاری طرفیندن حبس ائدیلیب و بو قورومون تجرید‌خاناسینا کؤچورولوبلر. بوتون بو مدنی فعاللار هله ده حبسده‌دیرلر و بلیرسیز دورومدادیرلار.