ایکی عرب وطنداش گوونلیک قوروملاری طرفیندن توتولدو
خوزستان ایالتینده‌کی عرب فعاللار ۱۴۰۰-جو ایلین اردیبهشت آیینین ایلک هفته‌لرینده شوش شهرینده ان آزی ایکی وطنداشین توتولدوغونو بیلدیردی.
یئرلی قایناقلارا گؤره، ۶ اردیبهشت ۱۴۰۰-ده شوش ساکینی مهدی کعبی گوونلیک گوجلری طرفیندن شخصی ائوینده توتولاراق بیلینمه‌ین یئره کؤچورولدو.
جناب کعبی‌نین عائله‌‌‌سی‌نین اونون حبسی‌نین سببلرینی و اونا قارشی ایره‌لی سورولن اتهاملاری اؤیرنمک چابالاری ایندییه قدر سونوجسوز قالیب.
خوزستان اینسان حاقلاری قایناقلاری مهدی کعبی‌نین توتولماسیندان آلتی گون سونرا ۱۲ اردیبهشت ۱۴۰۰-ده باشقا بیر عرب مدنی فعالین شوش شهری‌نین کعب دبات کندینده گوونلیک گوجلری طرفیندن توتولدوغونو بیلدیریرلر.
یاسر دبات ۳۰ یاشیندادیر و ائولیدیر و توتولما سببلری، ساخلاندیغی یئر و اونو توتان قوروم بللی دئییل.
iranwire
