ایکی ایشچی اوشاغا تاجیز ائدن شخص توتولدو
بیر شخصین ایکی اوشاق ایشچیسینه تاجیز ائتدیگی بیر ویدئو سوسیال مئدیادا یاییملانماسیندان سونرا، ایسلام جمهوریییتی‌نین فتا پولیسی بو اوشاقلاری تحقیر ائدن شخصین ۲۵ آبان بازار گونو حبس اولوندوغونو اعلان ائتدی.
بؤیوک تهران فتا پولیسی ایداره‌سی‌نین رییسی داود معظمی گودرزی بازار ائرته‌سی گونو بیلدیردی کی، آدامین کیملیگی بللی ائدیلدیکدن سونرا و محکمه ایش بیرلیگی ایله گیزلندیگی یئرده توتولاراق حبس‌خانایا گؤندریلدی. بو شخصله باغلی آراشدیرمالار داوام ائدیر.
بؤیوک تهران فتا پولیسی‌نین رییسی هر جور اوشاق ایستیثمارینی چئشیتلی یوللارلا و فرقلی موتیولرله قاداغان اولدوغونو، ۱۳۹۹-جو ایلین باشلاریندان بری بنزر بیر نئچه حادثه‌‌‌نین حبس ایله سونوجلاندیغینی سؤیله‌دی.
“سروش خونانی” آدلی بو شخص فال ساتان ایکی ایشچی اوشاغی اینستاگرام صحیفه‌‌‌سینده، اؤزو و دوستلاری‌نین ایلنمسی و ظارافات اوچون رقص ائتمه‌یه، شالوارلارینی چیخارتماغا و آلتلرینی کامئرا قارشیسیندا گؤسترمه‌یه مجبور ائتدی.
کئچن ایلین آذر آییندا بیر ایشچی اوشاغین بیر شخص طرفیندن زیبیل قوتوسونا آتیلماسی‌نین ویدئوسو سوسیال مئدیا قوللانیجیلاری‌نین رئاکسییاسی ایله قارشیلاندی و بو دا خطاکارین حبسینه سبب اولدو.
