ایکی اردبیللی گنج قیزیل اؤزن چاییندا بوغولاراق حیاتینی ایتیردی
اردبیللی دؤرد گنج، ۱۱ خرداد ۱۴۰۰-ده کوثر شهرینده‌کی قیزیل اؤزن چاییندا بالیق توتارکن بوغولدو و بو حادثه سونوجوندا بو گنجلردن ایکیسی حیاتینی ایتیردی.
کوثر قیزیل آی جمعيتی‌نین رئیسی ایرنایا بیلدیریب: قیزیل اؤزن چایینداکی پیرتقی کؤرپوسونون آلتیندا بالیق توتان اردبیللی دؤرد گنج بوغولما حادثه‌سینه معروض قالیب.
عیوضی آرتیردی: گنجلردن بیری شکیل چکرکن چایا دوشوب و باشقا اوچ نفر اونو قورتارماق اوچون سویا آتلامیش و دؤردو ده قیزیل اؤزن چایی‌نین درین و بیلینمه‌ین یئرینه دوشوب.
اونون سؤزلرینه گؤره، بو گنجلردن ایکیسی قورتاریلسا دا، داها ایکی نفر حیاتینی ایتیردی.
او دئدی: ایکی گنجین جسدلری قیزیل آی دالغیجلاری‌نین یاردیمی ایله سودان چیخاریلدی و عدلی طب اورقانلارینا تحویل وئریلدی.
عیوضی، ایالت وطنداشلارینا و سیاحلارا، بعضی بؤلگه‌لرده ۱۰ متره قدر درینلیکده اولان قیزیل اؤزن چایی‌نین ساکیت گؤرونوشونه آلدانماماغی تؤوصیه ائتدی.
کوثر شهری اردبیلین گونئیینده‌دیر. قیزیل اؤزن، کردستان و زنجان ایالتلریندن و اردبیل ایالتی‌نین خلخال و کوثر شهرلریندن کئچیر و گیلان ایالتینده‌کی بیاض چای ایله بیرلشیر.
iranwire
