اینقیلاب کئشیکچیلری تیکان تپه‌نین آغ دره کندینی موحاصیره‌‌‌یه آلیب
الده ائدیلن بیلگیلره گؤره، آغ دره کندی ساکینلری بو بؤلگه‌ده یئرلشن قیزیل یاتاغیندا چالیشا بیلمه‌دیلکرینه گؤره ۸ مرداد گونو اعتراض آکسییاسینا باشلامیشدیلار.
بو اعتراضلار سیراسیندا گوونلیک گوجلری ایله قارشیدورومادان سونرا کند اینقیلاب کئشیکچیلری قوه‌لری طرفیندن موحاصیره‌‌‌یه آلینیب.
ساخلانیمیش شخصلرین عائله‌‌‌لری بو شهرین فرمانداریسی بیناسی‌نین قارشیسیندا توپلاشاندان سونرا اینقیلاب کئشیکچیلری عینی گون آخشام کنده هوجوم ائدیب.
مامورلار هوجوم سونراسی ۵۰ نفری ساخلاییبلار و ۱۰ نفری ده یارالییبلار.
قئید ائدک کی، حاکیميت یئرلی ساکینلره چالیشمالاری اوچون سؤز وئرسه ده، ایللردیر ایشسیز قالان یئرلی ساکینلرین بو باره‌ده طلبلرینه محل قویمور.
وورغولایاق کی، آغ دره قیزیل یاتاغی باتی آذربایجان ایالتی‌نین تیکان تپه شهرینه ۳۰ کیلومتر مسافه‌‌ده یئرلشیر و یاتاق ایراندا ایکینجی بؤیوک قیزیل یاتاغی حساب اولونور.
