ایران یازیچیلار بیرلیگی بو تشکیلاتین اوچ عضوونون حبس ائدیلمه‌سینی قینادی
ایران یازیچیلار بیرلیگی، اوچ عضوونون قئیدسیز شرطسیز سربست بوراخیلماسی اوچون بیر آچیقلاما یایدی. «کیوان باژن»، «رضا خندان مهابادی» و «بکتاش آبتین»، ایران یازیچیلار بیرلیگینه عضو اولماق و بو درنگین ۵۰ ایللیگی ایله علاقه دار بیر کیتاب یازماق دا داخیل اولماقلا بیر نئچه اتهاملا ۵ مهر ۱۳۹۹ شنبه گونو حبس جزاسینا محکوم ائدیلدی.
ایران یازیچیلار بیرلیگی وئردیگی آچیقلامادا اؤلکه‌ده کرونا ویروسونون باش وئردیگی زامان بو اینسانلاری حبس‌خانایا چاغیرماغین اعتراضچیلاری و حؤکومت موخالیفلرینی اؤلومه گؤندرمکدن باشقا بیر شئی اولمادیغینی وورغولادی. آچیقلامادا گوونلیک گوجلری‌نین اولایا جاواب وئرمه‌یه چاغیران مولفلر، مستقل ایران و بین الخلق تشکیلاتلار، اینسان حاقلاری تشکیلاتلاری و ایران خالقینی بو مسئله حاقیندا تبکی وئرمه‌یه چاغریلیب.
«رضا خندان مهابادی» و «بکتاش آبتین»، ایداره هئیتی‌نین عضوو، «کیوان باژن»، ایسه تشکیلاتین کئچمیش ایداره هئیتی‌نین عضوودور.
بو شخصلره قارشی ایره‌لی سورولن اتهاملارا ایران یازیچیلار بیرلیگینه عضو اولماق، درنگین داخیلی بولتنی‌نی نشر ائتمک، ایران یازیچیلار بیرلیگی‌نین ۵۰ ایللیک تاریخینه دایر بیر آراشدیرما کیتابی حاضرلاماق، درنک بولتنلرینی نشر ائتمک، سئری قتللرده اؤلنلرین مزارلارینی زیارت ائتمک، ” «جعفر پوینده» و «محمد مختاری»، و«احمد شاملو»نون اؤلوم ایل دؤنومونده ایشتیراک دیر.
بو اتهاملارلا رضا خندان مهابادی و بکتاش آبتین هر بیری آلتی ایل، کیوان باژن ایسه اوچ ایل آلتی آی حبس جزاسینا محکوم ائدیلدی.
یازیچیلار بیرلیگی آچیقلاماسیندا عضولری‌نین حبسینی حؤکومتین مستقل یازارلارا ائتدیگی تضییقین علامتی آدلاندیردی: “ایندی اؤلکه‌ده یوخسوللوق، خسته‌لیک و موتشکیل فساد حؤکم سورور، حؤکومت خالقین قانونی طلبلرینی یئرینه یئتیرمک عوضینه مومکون قدر آزادلیغی بوغور و اعتراضتیراضچیلاری توتوقلایاراق، ایشگنجه و اعدام ائدیر.”
