ایران مئشه‌لرینده بئش آیدا ایکی مین یانغین قئیده آلینیب
1399-جو ایلین ایلک بئش آییندا ایران مئشه‌لرینده ایکی میندن چوخ یانغین باش وئردی.
مئشه‌لر، اوتلاقلار و سووارما تشکیلاتی‌نین رئیسی مسعود منصور «بو ایل اؤنجه‌کی ایللرله موقایسه‌‌ده یانغینلارین بیر میقداری‌نین قصدا ائدیلدیگینی» سؤیله‌دی.
منصور، حاضردا محکمه‌‌‌ده اولان یانغینلارین بیر سیرا عامللری‌نین حبس اولوندوغونو اعلان ائتدی.
ایرانداکی مئشه‌لرده، اوتلاقلاردا و طبیعی ثروتلرده یانغینلار خوصوصیله سون آیلاردا خبرلرین باشیندا یئر آلدی.
ایستاتیستیکالار گؤستریر کی، سون آلتی آیدا 17 مین 355 هکتاردان چوخ مئشه اوتلاغی یاندیریلمیشدیر.
ایستاتیستیکالار گؤستریر کی، سون 50 ایلده ایران مئشه‌لری‌نین ساحه‌‌‌سی 30 فایزدن چوخ آزالیب و بو گون تخمیناً 14 میلیون هکتارا اولوب.
