ایران‌دا تویوق مسئله‌‌سی ایله باغلی حبسلر داوام ائدیر
سیستان و بلوچستان ایالتینده‌کی ایرانشهر شهری‌نین عومومی و اینقیلاب ساوجیسی بو شهرین قوشچولار بیرلیگی‌نین رپیسی‌نین حبس اولوندوغونو اعلان ائتدی و اونو “خالقین عومومی احتیاجلاری سیستمینی پوزماق” ایله گوناهلاندیردی.
“سعید راشکی” ۱۶ فروردین ۱۴۰۰ بازار ائرته‌سی گونو بو شخصین سربازان گم‌نام امام زمان طرفیندن و قانونی سورجینی کئچیردیکدن سونرا حبس اولوندوغونو سؤیله‌دی.
ایرانشهر ساوجیسی، تویوق بئجرنلری تعیین اولونموش سوره‌ده (۴۵ گون) تویوق تداروک ائتمسه‌لر، موطلق موحاکیمه اولوناجاقلاری باره‌ده خبردارلیق ائتدی.
راشکی، بوندان سونرا تویوقلارین شهرین صنایع معدنلر و تیجارت ایداره‌سی طرفیندن بازاردا پایلاناجاغینی سؤیله‌دی.
دونن، تهرانین اقتصادی گوونلیک پولیسی رئیسی ۲۰ تویوق دلالی‌نین توتولدوغونو آچیقلادی و احتکار ائدیلمیش تویوقلارین دا تاپیلدیغینی سؤیله‌دی.
او بو تویوق دلال‌لاری‌نین ۱۴۰۰-جو ایلین ایلک ایکی هفته‌سینده توتولدوقلارینی و محکمه‌‌یه گؤندریلدیکلرینی سؤیله‌میشدی.
ایسلام جمهورییتی مقاملاری‌نین ایرانداکی تویوق بازارینی تنظیمله‌مه وعده‌لرینه باخمایاراق، وطنداشلارین دؤولتی تویوق آدلاندیریلان تویوغو آلماق اوچون اوزون قویروقلاری داوام ائدیر.
بو هفته‌نین شنبه گونو، سیستان و بلوچستان ایالتی‌نین نیکشهر شهرینده بیر تویوق بئجرمه یئرینه سالدیران اینسانلارین ویدئوسو سوسیال مئدیا قوللانیجیلاری‌نین دقتینی چکدی.
رسمی ایستاتیستیکایا گؤره، سون بیر ایلده تویوق قیمتی هر کیلو باشینا ایکی قات آرتمیشدیر.
iranwire
