ایرانین بیرلشمیش ملتلرده سسوئرمه حوقوقو دایاندیریلیب
بیرلشمیش ملتلرین باش کاتیبی بیرلشمیش ملتلر عومومی قورولوندا ایران، ونزوئلا، و سودان دا داخیل اولماقلا ۸ اؤلکه‌نین سسوئرمه حوقوقونون دایاندیریلدیغینی اعلان ائده‌رک، بونون عضولوک حاقلاری‌نین اؤده‌نیلمه‌سینده گئجیکمه‌لرله باغلی اولدوغونو بیلدیریب.
بیرلشمیش ملتلرین باش کاتیبی آنتونیو گوترش ۲۱ دی-ده یایدیغی و بیر نوسخه‌سی ۲۲ دی ۱۴۰۰-جو ایل چارشنبه گونو فرانسا خبر آژانسینا وئریلن بیاناتا گؤره، ۱۱ اؤلکه عضولوک حاقلاری عوذره بورجلارلا اوزلشیب.
بو راپوردا بیرلشمیش ملتلرین نیظام‌نامه‌‌سینه ایستناداً خبر وئریلیر کی، عومومی عضولوک حاقی ایکی ایلدن چوخ اولان اؤلکه‌لر سسوئرمه حوقوقلارینی ایتیریرلر.
آنتونیو گوترش دئییر کی، کومور آدالاری، سائو تومه و پرنسیپ، و سومالی ۲۰۲۲-جی ایلده بو وضعيتله اوز اوزه‌دیر یران، سودان، ونزوئلا، آنتیگوآ باربودا، کنگو، گینه و پاپوا گینه نو دا داخیل اولماقلا 8 اؤلکه سسوئرمه حوقوقونو ایتیریب.
سس‌وئرمه‌دن محروم اولان اؤلکه‌لر بو حوقوقا صاحیب اولماق اوچون بورجلارینی اؤده‌مه‌لیدیرلر. بو بورجلار ایران اوچون تخمیناً ۱۸ میلیون دلار، ونزوئلا اوچون ۴۰ میلیون دلار، سودان اوچون ایسه ۳۰۰ مین دلاردیر.
