ایرانشهر اطلاعات ایداره‌سی‌نین تجرید‌خاناسیندا بیر بلوج محبوسون فیزیکی دورومونون پیسلشمه‌سی
بلوج فعاللاری کامپانییاسی طرفیندن یاییلان راپورا گؤره، اطلاعات ایداره‌سی‌نین قوه‌لری طرفیندن ۱۶۳ گون اؤنجه حبس ائدیله‌رک آیاغی سینیق اولاراق زاهیدانا کؤچورولن ” عبیدالله حملی” آدلی بلوج وطنداشین طبی موعالیجه‌‌‌یه احتیاجی وار و اونون فیزیکی دورومونون کریتیک اولدوغو بیلدیریلیر.
بو راپوردا بیلدیریلیر کی، مهرستان شهری‌نین همونت کندیندن اولان بو بلوج وطنداش ۱۸ مهر ۱۴۰۲-ده و زاهیدانین قانلی اعتراضلاری‌نین ایل‌دؤنومونده حربی قوه‌لرین اونون ایقامتگاهینا زوراکیلیقلا هوجومو سونوجوندا شدتلی ذؤیولوب و آیاغی قیریلیب.
گوونلیک گوجلری عبیدالله حملی‌نی ایرانشهرده‌کی طب مرکزلریندن بیرینه کؤچوروب و سطحی سارغیدان سونرا زاهیدان اطلاعات ایداره‌سی‌نین تجرید‌خاناسینا کؤچورولوب.
بونونلا بئله، بلوج آکتیویستلری کامپانییاسی سون راپوروندا بو حبس ائدیلمیش وطنداشین سون دورومو باره‌ده بیلگیلی بیر شخصه ایستینادا یازیب کی، عبیدالله حملی‌نین ایکی آیا یاخیندیر کی آیاق انفکسیونو و زاهیداندا حکیملرین قبول ائدیلمه‌مه‌سی سببیندن ایرانشهرده‌کی اطلاعات ایداره‌سی‌نین تجرید‌خاناسینا کؤچورولوب.
یاییملانان بیلگیلره گؤره، بو بلوج وطنداشین حبسینه سبب ایسلام جمهورییتی‌نین موخالیفت قروپلاری ایله علاقه‌‌‌سی اولوب و بو سببدن حبسده اولارکن عائله‌‌‌سی ایله گؤروشمکدن محروم ائدیلیب و یالنیز اونلارلا تلفون ایله دانیشماغا ایجازه وئریلیب.
بلوج فعاللاری‌نین کامپانییاسی ایله صؤحبت ائدن بیلگیلی شخصین سؤزلرینه گؤره، زاهیدان حکیملری عبیدالله حملی‌نین آیاغیندا حیندن آرتیق انفکسیون اولماسی سببیندن اونو معاینه ائتمه‌ییبلر و ایرانشهرده آیاغینی موعالیجه ائدن حکیمین موعالیجه‌‌‌نی داوام ائتدیرمه‌لی اولدوغونو بیلدیریبلر.
محکومون طب مرکزینه گؤندریلمه‌سی ایله باغلی گیروو طلبی ایرانشهر اطلاعات ایداره‌سی‌نین یئتکیلیلری طرفیندن قبول ائدیلمه‌ییب و ساخلانیلان بو وطنداشین عائله‌‌‌سی اونون صحتیندن چوخ ناراحاتدیر.
