ایراندا 5 ایلده 15 یاشا قدر 131مین قیز اوشاقی ائوله‌نیب
بو بیلگی‌نین ایرانین ایستاتیستیکا مرکزی‌نین حاضرلادیغی بو راپورا اساساً، ۱۳۹۶-جی ایلدن بری ۱۵ یاشا قدر نیکاحا داخیل اولان قیزلارین سایی تقریباً ۳۰ مین، ۱۵ یاشیندان کیچیک اوغلانلارین ایسه اورتالاما سایی ۲۰-۴۰ مین اولدوغو بیلدیریلیر.
بوندان اؤنجه ایرانین ایستاتیستیکا مرکزی بیلگی وئرمیشدی کی، ۱۳۹۹-جو ایلده ایراندا قئیده آلینان بوتون نیکاحلارین یوزده ۵-دن چوخو ۱۵ یاشدان کیچیک اوشاقلارلا باغلیدیر.
بو بیلگی اوشاق نیکاحی‌نین ایسلام جمهورییتی‌نین حاکیميت اورقانلاری طرفیندن آردیجیل اولاراق تکذیب ائدیلدیگی بیر واختا تصادوف ائدیر و اونلار ایراندا اهالی‌نین گنجلیک سیاستینی اینکیشاف ائتدیرمک اوچون قیز و اوغلانلارین ائرکن نیکاحی‌نین ضروری اولدوغونو دئییرلر.
داخیلی ایشلر ناظری احمد وحیدی‌‌ن ۱۸ اسفند ۱۴۰۰-جو ایلده دئییب: باتی مئدیاسی اوشاق ائولیلیگی قصد ائدیر. باتی مئدیاسی‌نین تله‌سینه دوشمه‌مه‌لی‌ییک. بیزیم فقهی حوقوقوموز بو ایشده چوخ آیدیندیر.
بو ادعا ایران مطبوعاتیندا درج اولونان خبرلره گؤره، تکجه اؤتن ایلین ایلک آلتی آییندا ۱۰-۱۴ یاش آراسی آنالار طرفیندن ۷۹۱ اوشاق دوغولدوغو حالدا ایره‌لی سورولور.
ایسلام جمهورییتی‌نین قانونلارینا گؤره، قیزلارین ۱۳ یاشیند ائولنمه‌سی قانونیدیر؛ لاکین قانونا گؤره، قيومون ایجازه‌سی ایله ۱۳ یاشیندان کیچیک قیزلارین دا عائله قورماسی مومکوندور.
#ایران_خبرلری #اوشاق_حوقوقلاری #اوشاق_ائولیلیگی
