ایراندا ۳ میلیون ایشله‌ین اوشاق یاشاییر
وشاقلارین ایشله‌مه‌سینه قارشی اولوسلارآراسی موباریزه گونو عرفه‌‌سینده داخیلی ایشلر ناظرلیگی ۲۶۰۰ ایشله‌ین و کوچه اوشاغی‌نین بللی ائدیلدیگینی آچیقلاییب. بعضی رسمی قایناقلارا گؤره، ایراندا اوچ میلیوندان چوخ ایشله‌ین اوشاق یاشاییر.
حوقوق‌چولار “زیبیل مافییاسی”نین مؤوجودلوغوندان دانیشیر و مدنی قوروملار ایله گوونلیک داورانیشلارینی تنقید ائدیرلر.
داخیلی ایشلر ناظرلیگی‌نین ایشچی و کوچه اوشاقلاری اوزره ایشچی قروپونون کاتیبی علی رضایی چارشنبه آخشامی، ۲۲ خرداد گونو ایسنا خبر آژانسی ایله موصاحیبه‌سینده، ایراندا ۲۶۰۰ ایشله‌ین و کوچه اوشاغی‌نین بلی ائدیلیب و اورقانیزه‌سی حاقیندا بیلگی یاییب.
او، بو اوشاقلارین چوخونون “[خاریجی] وطنداشلار” اولدوغونو وورغولاییب.
بو ایل ۲۳ خرداد چارشنبه گونونه تصادوف ائدن ۱۲ ژوئن عوموم دونیا اوشاق ایشله‌مه‌سینه قارشی موباریزه گونودور.
۱۴۰۱-جی ایل مهر آیی‌نین اورتالاریندا و عوموم‌می اعتراضلارلا عینی واختدا ایمام علی جمعیتی‌نین ۵۰۰-دن چوخ عضوو و طرفداری بیر آچیقلامادا بیلدیریبلر کی، ایسلام جمهورییتی اعتراضلاری یاتیرتماق اوچون بیر سیرا یوخسول اوشاقلاردان ایستیفاده ائدیب.
ایران خالقی‌نین عومومی قیامی‌نین پیک حده چاتماسی و ایسلام جمهورییتی‌نین باسقیجی قوه‌لری‌نین یورغونلوغو و یوخلوغو ایله سوسیال شبکه‌لرده بسیج و اینقیلاب کئشیکچیلری‌نین ایغتیشاشلارا قارشی گئییمینده اولان اوشاق و یئنی‌یئتمه‌لرین شکیللری درج ائدیلیب.
