ایراندا لابراتوار کیتلری‌نین کسکین چاتیشمازلیغی؛ ۵۰-دن چوخ طبی تستلرین دایاندیریلماسی
اعتماد قزئتی‌نین خبرینه گؤره، ایراندا لابراتوار کیتلری‌نین کسکین چاتیشمازلیغی اؤلکه‌ده ۵۰-دن چوخ طبی تستلرین دایاندیریلماسینا سبب اولوب.
جوما آخشامی اعتماد قزئتی تهران و اصفهان شهرلرینده‌کی بیر نئچه طبی و ژنتیک لابراتوارلاری‌نین صاحبلرینه ایستناداً خبر وئریر کی، بو لابراتوارلار اؤز قئیدیات سیستملرینده بیر سیرا هورمونال، یولوخوجو و ژنتیک تستلری لغو ائدیب، چونکی بو تستلری حیاتا کئچیرمک اوچون لازیمی کیتلرده چاتیشمازلیق وار.
بو قزئتین خبرینه گؤره، سون بئش ایلده کیت آلماق چتین اولسا دا، بو ایل بو چتینلیک او حده چاتیب کی، قارا بازارا گئتسن ده، اونو آلماق مومکون دئییل.
ایراندا لابراتوار لوازماتی‌نین چوخو ایدخالدان آسیلیدیر و یئرلی اورتیم اولونان آوادانلیقلار خاریجدن خاممال ایدخالیندان آسیلیدیر.
ایراندا طبی محصول و آوادانلیقلارین قیتلیغی ایلک دفعه دئییل.
ایکی ایل اؤنجه ایراندا سرم قیتلیغی کریتیک حده چاتدی و اجزاچیلار بیرلیگی بو چاتیشمازلیغین سببینی آچیقلادی کی، خاریجی ارزلرده قناعت بو دوروما منفی ائتکی گؤستردی.
عینی واخت ایران اجزاچیلار بیرلیگی‌نین معاونی علی فاطمی ایراندا ۵ بؤیوک سرم فیرماسی‌نین اولدوغونو و اونلاردان بیری‌نین فعالیتینی دایاندیغینی بیلدیریب.
