ایراندا اعداملار داوام ائدیر: ۵ تشکیلات اعتراض بیاناتی یایدی
بو گون کرج شهرینین حبسخاناسیندا نارکوتیک ماده‌لرین آلوئرینده گناهلاندیریلان ۴ محکوم اعدام ائدیلیب.
بو باره‌ده انسان حاقلاری تشکیلاتی معلومات یاییب.
اعدام خبرلرینین یاییلماسی ایل عینی واختدا فرانسانین بئش همکارلار اتفاقی بیرگه بیانات یایاراق، ایراندا رپرسییالارین گئنیشله‌نمه‌سی و اعداملارین آرتماسی ایله باغلی ناراحات‌لیقلارینی ایفاده ائدیبلر.
اونلار بو ایلین اولیندن ایراندا اعداملارین سایینین ۷۰۰-او کئچدیینی خاطیرلادیب، بونون دهشتلی حال اولدوغونو قید ائدیبلر.
همکارلار اتفاقلاری بین‌الخالق اجتماعیتین دقتینین غزه مسئله‌سینه یؤنلمه‌سیندن سوءاستفاده ائد‌ن تهران حاکمیتینین ایرانلیلارین اقتصادی بحرانا اعتراضلارینا قددارلیقلا جواب وئردیینی بیلدیریبلر.
اونلارین فکرینجه اعداملارین سایینین آرتماسی ناراضی خالقی قورخوداراق اعتراضلاردان چکیندیرمه‌یه خدمت ائدیر.
