ایرانداکی کرونا؛ ۱۵ شهریوردن ایراندا بوتون مکتبلر آچیلاجاق
محرملیک گونلری‌نین کئچمه‌سی ایله، تاسوعا و عاشورا تعطیللرینده دینی توپلانتیلارین کئچیریلمه‌سینی و ایرانلیلارین بیر چوخونون سیاحتلرینی نظره آلساق، احتیمال کی، ایکی هفته عرضینده چوخ سایدا یئنی خسته گؤزله‌مه‌ییمیز لازیمدیر.
دونن کرونا خسته‌لیگی اوچون حاضرلانان یوکسک ریسکلی میتینقلرین ویدئولاری سوسیال مئدیادا یاییلدی؛ قوم شهرینده اؤنجه‌لر عاشورا گونو قوم تبلیغات تشکیلاتی طرفیندن حرکتی قاداغان ائدیلمیش بعضی یاس قروپلاری، شیعه‌‌‌لرین یئددینجی ایمامی‌نین قیزی فاطمه معصومه زیارتگاهینا هوجوم ائتدیلر. یاییملانان گؤرونتولره گؤره، قومداکی بعضی دینی هئیتلرین تمثیلجیلری، محدودیتلره باخمایاراق، زیارتگاها گیرمک اوچون باریئرلری قیراراق او اراضییه گیردی و یاس توتدو.
خاتیرلاداق کی، یئرلی خبر آژانسلاری بو دینی مکانین وضعيتینی ال‌وئریشلی و یاس قروپلاری‌نین ایشتیراکی اولمادان تصویر ائدن خبرلر درج ائتدیلر؛ ایرنا بونونلا باغلی یازیب: «زیارتچیلر و بارگاه ملکوتی کریمه‌نین مجاورلری حسینی عاشوراسیندا ساغلاملیق قایدالارینی رعایت ائده‌رک، بو ایل زیارتگاهدا یاس قروپلاری‌نین ایشتیراکی اولمادان ایمام معصومه‌یه باش‌ساغلیغی وئرمک اوچون بو موقدس یئری زیارت ائدیب یاس توتدولار. . »
صحیه ناظری‌نین معاونی ایرج حریرچی، ۱۰شهریور۱۳۹۹ بازار ائرته‌سی گونو اجتماعی سیاحتلرین و یاس مراسیملری‌نین نتیجه‌لرینی ایضاح ائدرکن دئدی: «تأسف کی، گلن هفته آیاق اوستو خسته‌لرین وضعيتلرینده بیر آرتیم گؤره‌جییک و ایکی اوچ هفته‌دن سونرا خسته‌خانالاردا یاتان خسته‌لر و دؤرد آلتی هفته‌دن سونرا کرونا خسته‌لرینین اؤلوم حاللاریندا آرتیم گؤره‌جییک» دئدی.
اجتماعی سیاحتلرله علاقه دار اولاراق، گیلان، مازانداران، گولیستان، اصفهان و دوغو آذربایجان ایالتلری‌نین قیرمیزی وضعيتده اولماسینا باخمایاراق، بو گونلرده توریزم مکانی اولدوقلارینی سؤیله‌دی. حریرچی، کئچن ایلین عینی گونو ایله موقایسه‌‌ده سفرلرده ۹ فایز آرتیم گؤردویوموزو سؤیله‌دی. بو گونلرده تعطیللر زامانی ۲ میلیون ۵۶۶ مین ایالتلراراسی سیاحت ائدیلدی.
محرم تعطیلی‌نین و ماتم گونلری‌نین بیتمه‌سیندن سونرا ایران مسووللاری و خالقی یئنی بیر پروبلئمله قارشیلاشیر؛ مکتبلرین و بیلیم‌یوردلاری‌نین یئنیدن آچیلماسی. اؤنجه‌لر بیلدیریلن خبرلره گؤره مکتبلرین ۱۵ شهریوردن یئنیدن آچیلماسی پلانلاشدیریلیردی.
ایرانین هر یئری مکتب اولمالیدیر
«روحانی» حؤکومتی‌نین تحصیل ناظری «محسن حاجی‌میرزایی»، بو گون مکتبلرین آچیلماسینی وورغولادی و قیرمیزی ساحه‌‌‌لر خاریجینده اؤیرنجیلرین ۱۵ شهریوردن اعتباراً مکتبه گئده‌جکلرینی آچیقلادی: «اینتِرنِت اولمادیغی یئرلرده تلویزیون اؤیرنجیلره تحصیل وئره بیلر. بو تحصیل پروقراملاری ۱۵ شهریورده باشلایاجاق. ایرانین هر یئری مکتب اولمالیدیر.»
اوز اوزه و اوزاقدان درسلرین کئچیریلمه‌سینی ایضاح ائدن حاجی‌میرزایی دئدی: «اؤیرنجی سایی‌نین ۵۰ نفردن آز اولدوغو و ساغلاملیق قایدالارینی رعایت ائده‌رک مسافه‌‌نی موشاهیده ائده بیلدیکلری مکتبلریمیزین ۳۵ فایزینده درسلر نورمال قایدادا آپاریلیر؛ آنجاق قالان مکتبلر اوچون اوز-اوزه تحصیل مسئله‌‌سی استثنا ائدیلمیر و پرینسیپ اوز-اوزه تحصیله اساسلانیر. « اؤیرنجی سایی‌نین مسافه‌‌نی موشاهیده ائتمک مومکون اولمادیغی یئرده قالان مکتبلرین تخمیناً ۶۵ فایزینده درسلری اوز اوزه آپارمالیییق، آنجاق درسلر بعضی گونلر مکتبه آیری-آیری، بعضی گونلر برابر شکیلده گلن موختلیف قروپلاردا اولاجاق»
تحصیل ناظری، اؤلکه‌ده‌کی بوتون مکتبلرده، هئچ بیر حالدا قایدالاری رعایت ائتمه‌نین مومکون اولمادیغی یئرلر خاریج، درسلرین اوز اوزه اولاجاغینی وورغولادی. بونا گؤره قیرمیزی بؤلگه‌لرده یئرلشن مکتبلرین یئنیدن آچیلماسینا ایجازه وئریلمیر. مکتب درسلری ساری بؤلگه‌لرده آپاریلاجاق، آنجاق مکتبلر طرفیندن بیلدیریله‌جک محدود سایدا اؤیرنجی صینیفلاردا ایشتیراک ائده‌جک.
اؤلکه‌ده بیر چوخ والیدینین اؤولادی‌نین کرونا ویروسونا یولوخماسیندان ناراحات اولدوغونا باخمایاراق مکتبلر یئنیدن آچیلاجاق. کرمان ایالتیندن گلن معلوماتلار، ۶ ایله ۱۸ یاش آراسیندا ۲۴۵ نفرین خسته‌خانایا یئر‌لشدیرمه حادثه‌‌‌سی‌نین اولدوغونو بیلدیریر.
کرمان طبّ علملری بیلیم‌یوردونون سؤزچوسو «مهدی شفیعی»، ایضاح ائتدی: «خرداد آیینین اورتالارینا قدر کرمان طبّ علملری بیلیم‌یوردونا ۱۵ یاشدان کیچیک چوخ محدود خسته‌نی خسته‌خانالارا یاتیردیق. خسته‌لیک خرداد آییندا ایالتده باشلادی و تیر آییندا زیروه‌سینه چاتدی؛ کرمان طبّ علملری بیلیم‌یوردوندا مکتب یاش قروپوندا (۶ ایله ۱۸ یاشا قدر) ۲۴۵ خسته و ۴۲ نفر قطعی اولاراق خسته‌خانایا یئر‌لشدیریلدی و تأسف کی، یاشلی قروپلا موقایسه‌‌ده بعضی یاش قروپلاریندا زیروه‌یه چاتان بیر سیرا اؤلوملریمیز اولدو. بو ائله بیر زامان باش وئردی کی “[اینسانلار] بیر بیرلرینه چوخ یاخین دئییلدیلر.»
شفیعی، مکتبلرین یئنیدن آچیلماسی ایله اوشاقلارین داورانیشلاری‌نین ایداره ائدیله بیلمه‌یه‌جیی مؤوضوسوندا خبردار ائتدی. گلیش گئدیش پروگرامی‌نین ديَیشدیریلمه‌سی، والیدین توپلانیشلاری و بو کیمی پروبلئملره باخمایاراق، اؤیرنجیلر آراسیندا هم اؤزلری، هم ده یاشلیلار اوچون تهلوکه‌‌‌لی بیر اؤتورمه زنجیری اولا بیله‌جه‌یینی سؤیله‌دی. آیریجا بو ایل اؤیرنجیلرین قریپه توتولما ریسکی ده گؤزله‌نیلمزدیر.
اؤزل اولاراق تهران شهری ایله علاقه دار تهرانداکی تحصیل سؤزچوسو «مسعود ثقفی»، بو شهرده‌کی قیرمیزی وضعيت سببییله مکتبلرین یئنیدن آچیلماسی‌نین ۱۵ شهریوردن اوزاقدان تحصیل اولاجاغینی سؤیله‌دی.
سون ایستاتیستیکا
۱۰شهریور۱۳۹۹-جی ایل تاریخینده‌کی اؤلوملرین سون ایستاتیستیکاسینا نظر سالدیقدا، بو ویروسون قوربانلاری‌نین سایی‌نین آلتی نفر آرتدیغی گؤستریلیر؛ صحیه ناظرلیگی‌نین سؤزچوسو سیما سادات لاری، بازار ائرته‌سینه قدر اولان ۲۴ ساعتلیق ایستاتیستیک معلوماتلاری تقدیم ائده‌رک دئدی: «ایندییه قدر اؤلکه‌ده ۳۷۵ مین ۲۱۲ نفرین قطعی شکیلده کروناویروسا یولوخدوغونو و سون ۲۴ ساعتدا ۱۰۹ نفرین اؤلومویله بو خسته‌لیکدن اؤلنلرین توپلام سایی ۲۱ مین ۵۷۱ نفره یوکسلدیگینی» دئدی.
سون ۲۴ ساعت عرضینده اؤلکه‌ده مین ۶۲۴ یئنی کرونا خسته‌سی بللی ائدیلیب، اونلاردان ۵۷۳ نفری خسته‌خانایا یئرلشدیریلیب: «ایندییه قدر ۳۲۳ مین ۲۳۳ خسته ساغالیب و یا خسته‌خانالاردان چیخاریلیب. همچینین، بو خسته‌لیگین آغیر وضعيتده اولدوغو ۳۷۲۹ کووید۱۹ خسته‌سینه باخیلیر و بو گونه قدر اؤلکه‌ده ۳ میلیون ۲۳۱ مین ۱۱۰ کووید۱۹ تستی آپاریلیب.»
بو یاخینلاردا قیرمیزی وضعيتده اولان تهران، مازانداران، گیلان، قوم، اصفهان، رضوی خوراسان، دوغو آذربایجان، کرمان، قوزئی خوراسان، سیمنان، یزد، زنگان و قزوین ایالتلری قیرمیزی وضعیتده، همچینین باتی آذربایجان، آلبورز، فارس، لورستان، هرمزگان، اردبیل، بوشهر، کرمانشاه، کهگیلویه‌وبویراحمد، گونئی خوراسان، مرکزی، ایلام، چهارمحال‌و‌بختیاری، گولیستان و خوزیستان خبردارلیق وضعيتینده‌دیر.
البورز ایالتینده اؤلوملری‌نین سایی ۹۴۲نفره چاتدی؛ بو خبری البورز طبّ علملری بیلیم‌یوردونون رئیسی «محمد فتحی» سؤیله‌دی. ۱۰ شهریور بازار ائرته‌سی گونو البورزداکی سون ۲۴ ساعتداکی وضعيتی بئله ایضاح ائتدی: «دونندن بو گونه یعنی ۱۰ شهریوره قدر ۵۶ خسته کووید۱۹ شوبهه‌لی سی اولاراق ایالت خسته‌خانالبارینا یئرلشدیریلیب. کرونا اپیدمیسینین باشلانغیجیندان بو گونه قدر خسته‌خانایا یئر‌لشدیریلنلرین توپلام سایی (معین، اِحتیمال اولونان و شوبهه‌لی) البورز ایالتینده ۱۵ مین ۳۱۱ نفر اولوب، بونلاردان ۱۴ مین ۷۶۲ نفری قطعی پوزیتیو و خسته‌خانایا یئرلشدیریلیب.»
البورز طبّ مرکزلرینده یاتان کروناویروسو اولان ۴۱۵ شوبهه‌لی و قطعی خسته‌دن ۱۲۵ نفری بو ویروسا قطعی اولاراق یولوخموشدور.
«محمودرضا مرادی»، کرمانشاه والیسی، یایین سون آییندا اجتماعی سیاحتلرین ایالتین دورومونو کؤتو ائده‌جه‌یینی آچیقلایاراق دئدی: «اینسانلار بو پروسه‌نی داوام ائتدیررلرسه و ساغلاملیق قایدالارینی رعایت ائتمکله ماراقلانماسالار، ایالتده‌کی وضعيتین یاخین گونلرده قیرمیزییا دؤنمه‌سی اِحتیمالی واردی
