ایرانداکی کرونا؛ سوسیال مئدیا قوللانیجیلاری: محرمده، ساغلیق چالیشانلارینی مغلوب ائده‌جییک
محرم آیینین باشلاماسی ایله عینی واختدا، کرونا خسته‌لیگینی ایداره‌ائتمه قرارگاهی‌نین آچیقلادیغی تؤوصیه و قاداغالارا ضد اولاراق مسجیدلرده و کوچه‌لرده یاس مراسیملری کئچیریلدی. مراسیمین بعضی یاییملانان گؤرونتولرینده کرونا ساغلاملیق پروتکللارینا رعایت اولوندوغو گؤستریلسه ده، بیر چوخ شکیل و ویدئودا تکجه سوسیال اوزاقلاشمانین موشاهیده ائدیلمه‌دیگینی، بعضی مذهبی شخصلر ساغلاملیق پروتکللارینا ایفاده‌لری ایله قارشی چیخیرلار و پروتکللارا رعایت ائتمکده مقاومت گؤستریرلر. 1 شهریور 1399-جو ایلده «ابوعلی سینا» شرفینه ایراندا حکیملر گونو اولاراق قئید ائدیلیر. «محرمده ساغلیق چالیشانلارینی مغلوب ائده‌جییک» دئین سوسیال مئدیا ایستیفاده‌چیلری، هئچ بیر ساغلاملیق پرینسیپی رعایت ائدیلمه‌ین دینی قروپلارین شکیللرینی یئر‌لشدیردیلر.
محرّم آیینین باشلاماسینی و یاس هئیتلری‌نین یارادیلماسینی نظره آلساق، اؤلنلرین سایی‌نین یئنیدن آرتاجاغی اِحتیمالی چوخدور. 1 شهریور 1399-جو ایل شنبه گونو «صحیه ناظرلیگی‌نین جئوره و پئشه ساغلاملیغی مرکزی»نین رئیسی «احمد جنیدی»، صلواتی دوراقلارین قورولماسی‌نین قاداغان اولدوغونو وورغولادی. «رهبر ده تؤوصیه ائتدی کی، نذیر باشقا بیر شئیه ديیشدیریله بیلرسه، ديیشدیریلسین، دئدی. ایندی نذیر ديیشدیریله بیلمزسه، ساغلاملیق موتخصیصلری‌نین نظارتی آلتیندا، اینسانلار بیر یئره توپلاشماغینی دئییل، بیشیرمیی و سونرا ائوده چاتدیرا بیلرلر. پروبلئم بو توپلاشما ایله باغلیدیر کی کرونا ویروسونا یولوخما ریسکی‌نین آرتیرماقدادیر.»
1 شهریور 1399 -جی ایل شنبه گونو سحر، ایراندا حکیملر گونو ایله عینی واختدا ایکی گلنکسل طبّ موتخصیصی طرفیندن تقلید مرجع‌لرینه بیر مکتوب گؤندریلدی؛ و آچیق شکیلده بیلدیریرلر کی، اؤلکه‌ده کرونا اؤلومون ان واجیب سببلریندن بیری «گلنکسل طبّ ایمکانلاریندان» ایستیفاده ائدیلمه‌مه‌سیدیر: «ساریمساق، سوغان، بال، قارا توخوم، زنجفیل و دوز ایله قارقارا وورغولاناراق، اؤلن همکارلاریمیزین و وطنداشلاریمیزین بیر چوخو هله ده یانیمیزدا ایدی.» دئییلدی.
«دکترلار گونونده جمهورباشقانی حسن روحانی، خرداد آییندا باشلایان و تیر-مرداد آیلارینی احاطه ائدن ایکینجی دالغادا، ایلک دالغادان فرقلی اولاراق، 30-40 یاشلاریندا اینسانلارین اؤلوملرینی ده گؤردوک» دئدی. ایکینجی دالغادا بعضاً 31 ایالتدن 20-سی خسته‌لیکدن تأثیرلندی. بو واخت روحانی اِحتیراسلی محرم یاس مراسیمینی هامی اوچون بیر سیناق اولدوغونو بیلدیردی: «محرّم آیینی احتیراسلا کئچیرمه‌لی‌ییک و عاشورادان سونرا بو تابلولاردا یئنی بیر خسته‌لیک زیروه‌سینی گؤرمه‌مه‌لی‌ییک. او زامان هر کس بو ایستاتیستیکا و تابلولارلا قورور دویاجاق.»
قئید ائدک کی، روحانی ایلتیشیم ناظریندن دینی مراسیملرین جانلی یاییملانماسی اوچون اینترِنت گئنیشلیگینی آرتیرماغی ایسته‌ییب.
بونونلا بیرلیکده، صحیه ناظرلیگی‌نین سؤزجوسو 1 شهریور 1399-جی ایل شنبه گونو وئردیگی معلوماتدا، بو گونه قدر داوام ائدن 24 ساعت ایچینده کرونا خسته‌لیگی ایستاتیستیکاسی ایله علاقه دار اولاراق، 2 میندن چوخ کروناویروس حادثه‌‌‌سی قئیده آلینمیشدیر کی، اونلاردان دا 707 نفری خسته‌خانایا یئر‌لشدیریلمیشدیر دئدی. سیما سادات لاری، کروناداکی اؤلنلرین توپلام سایی‌نین 20 مین 502 نفر اولدوغونو سؤیله‌یه‌رک دئدی. «سون 24 ساعت عرضینده 126 کووید خسته‌سیندن 19 نفری حیاتینی ایتیردی.»
همچینین، کرونا خسته‌لیگی اولان توپلام 356 مین 792 نفردن 207 مین 702 نفری‌نین یاخشیلاشدیغی، 3 مین 850 نفرین وضعيتی‌نین آغیر اولدوغو بیلدیریلیر.
ایالتلرده مازانداران، تهران، قوم، گولوستان، قوزئی خوراسان، اردبیل، اصفهان، البورز، رضوی خوراسان، کرمان، سیمنان، دوغو آذربایجان، مرکزی، یزد و گیلان قیرمیزی دورومدا و فارس، ایلام، لورستان، هرمزگان، زنگان، قزوین، باتی آذربایجان، بوشهر، همدان، چهارمحال و بختیاری و کهگیلویه‌و بویراحمد ایالت‌لری خبردارلیق وضعيتده‌دیرلر.
بو واخت، 25 ایالت قیرمیزی و خبردارلیق وضعيتینده‌دیر، دیگر ایالتلردن، او جومله‌‌‌دن کرمانشاه و خوزیستانین مقاملاری وطنداشلارا گونده‌لیک خبردارلیقلاریندا ساغلاملیق پروتکللارینا عمل ائدیلمه‌دیکده خسته‌لرین سایی آرتاراق قیرمیزی وضعيته قاییداجاغینی خبردار ائدیرلر.
سیاحت آلان ایالتلرین مقاملاری‌دا تاسوعا و عاشورا تعطیللرینی نظره آلاراق خالقدان مومکون اولدوقدا سیاحت ائتمکدن چکینمه‌لرینی ایسته‌دی. گیلان والیسی، تعطیل گونلرینده شهرلرینه گئدن دیگر ایالتلرده یاشایان گیلان خالقینا موراجعت ائده‌رک بو ایل، دیگر هم وطنلر کیمی، کرونانین یاییلماسی سببییله مملکتلرینه سفرلرینی تاخیره سالمالارینی ایسته‌دی.
سون بیر نئچه گونده، اوزون بیر گئجیکمه‌دن سونرا، بیلیم‌یوردونا گیریش ایمتاهانی نهایت کئچیریلدی؛ آدایلار بو دؤورده تست نتیجه‌سینین یاراتدیغی استرس و تضییقلره دؤزدوکلری گیریش ایمتاهانی، دیگر طرفدن کرونا، دفعه‌‌لرله مجازی مکاندا هشتگلر یاراتماق و یایماقلا ایمتاهانین داها یاخشی واختدا کئچیریلمه‌سینی ایسته‌میشدیلر.
1399-داکی بیلیم‌یوردونا گیریش ایمتاهانی بئش قروپدا دؤرد گون داوام ائتدی و 1 شهریور 1399-جی ایل شنبه گونو باشا چاتدی. رسمی ایستاتیستیکایا گؤره، 1 میلیون 247 مین 449 نفر گیریش کارتلارینی آلدی، اونلاردان 145 مین 784 نفری بیلیم‌یوردونا گیریش ایمتاهانیندا ایشتیراک ائتمه‌میشدیر. اونلارین بیر چوخو، کرونا خسته‌لیگینه توتولماق قورخوسوندان قبول ایمتاهانیندا ایشتیراک ائتمه‌دیکلرینی بیلدیردیلر.
خاتیرلاداق کی، ایران ایسلام جمهوریییتی‌نین صحیه ناظرلیگی‌نین وئردیگی ایستاتیستیکایا اساساً، 30 و 31 مرداد 1399-جی ایل تاریخلرینده ایراندا کرونا ویروسو سیرایلا 139 و 112 نفرین اؤلومونه سبب اولموشدور.
