اکسیوس: ایران عراق‌دان اسرائیله هوجوم ائتمیی پلانلاشدیریر
بو خبره گؤره، بو هوجومون گلن هفته آمریکادا کئچیریله‌جک جمهورباشقانلیغی سئچکیلریندن اؤنجه حیاتا کئچیریله‌جیی استثنا ائدیلمیر.
راپوردا آیریجا قئید ائدیلیر کی، ایران بو هوجوم اوچون “چوخلو سایدا” پیلوتسوز اوچاق و راکئتلردن ایستیفاده ائتمک و اسرائیلین جاواب هوجومونون قارشیسینی آلماق اوچون عراق‌داکی وکیل قروپلار واسطه‌‌‌سیله عملیاتلار کئچیرمک نيتینده‌دیر.
بوندان اؤنجه بعضی آمریکا یئتکیلیلری بو اؤلکه‌نین بو ایل ۵ آبان گونو ایرانین حربی هدفلرینه هوجومو سببیندن ایرانین اسرائیله جاواب هوجومو احتیمالینی گونده‌مه گتیرمیشدی و آغ ائو ایرانا بو حرکتدن چکینمه‌سی ایله باغلی خبردارلیق ائتمیشدی. چونکی عکس حالدا “جدی” نتیجه‌لرله اوزلشه‌جک.
