اوین حبسخاناسینین ۸-جی اندرزگاهیندا کرونا دالغاسی
اوین حبسخاناسینین ۸-جی اندرزگاهینداکی محبوس بهنام شیخی، عائله‌‌‌سی ایله تماسا گیره‌رک، شدتلی آتش و تیتره‌مه‌لری و کرونا شوبهه‌لی سیمپتوملاری اولدوغونو بیلدیردی.
شیخی، کرونا تستی اوچون ۱۹ مرداد بازار گونو حبس‌خانانین ساغلیق مرکزینه گئتدیگینی، آنجاق تستین آلینمادیغینی سؤیله‌دی.
بو تورک مدنی فعالین سؤزلرینه گؤره، ۸-جی اندرزگاهداکی محبوسلاردان تصادوفی اولاراق آلینان کرونا تستلری‌نین چوخونون نتیجه‌سی موثبت اولوب.
اونون بعضی هم بندلری، او جومله‌‌‌دن امیرسالار داوودی،جعفر عظیم زاده و اسماعیل عبدی، ۸-جی اندرزگاهین ساغلیق مرکزینده یاتاق اولماماسی سببیندن ۴-جی اندرزگاهین ساغلیق مرکزینه کؤچورولوبلر.
ایران‌وایرین آلدیغی معلوماتلاردا، ائوین حبسخاناسینین ۸-جی اندرزگاهیندا ان آز ۱۸ محکومون کرونایا یولوخدوغو تصدیقلندی و احتیمال وئریلیر کی، بو اندرزگاهداکی محبوسلارین اکثريتینده کووید ۱۹ خسته‌لیگی وار.
