اوین حبسخاناسینین رئیسی حسین رزاق‌ین خسته‌خانایا گؤندریلمه‌سینه مانع اولوب
چارشنبه آخشامی، ۱۸ مهر ۱۴۰۲-ده حبسخاناسینین رئیسی هدایت فرزادی‌نین بیرباشا امری ایله، حسین رزاق‌ین خسته‌خانایا گؤندریلمه‌سی‌نین قارشیسی آلینیب.
اوین حبسخاناسینین رئیسی بیلدیردی کی، بونون حیاتا کئچیریلمه‌سی‌نین شرطی حبس‌خانا پالتاری‌نین مجبوری گئیینیلمه‌سیدیر کی، جناب رزاق بو قئیری-قانونی مجبوریتله راضیلاشماییب. حبسخاناسینین رئیسی‌نین قانونسوز امری ایله ائله بیر واخت وئریلیر کی، سون بیر نئچه هفته ایچینده فساد ایله گوناهلاندیریلان محکوملاردان بیری اؤز پالتارینی گئیینه‌رک، ساختا موعالیجه‌‌‌لر گؤندره‌رک بو حبس‌خانادان قاچا بیلدیگی حالدادیر.
اوین حبس‌خاناسیندا جزا چکن سیاسی محبوس حسین رزاق بیر چوخ خسته‌لیکدن اذيت چکمه‌سینه و اعتبارلی عدلی طب حکیملری‌نین موناسیب اولمادیغی باره‌ده آچیق گؤروشونه باخمایاراق، اطلاعات ناظرلیگی‌نین امری ایله یئنیدن حبس‌خانایا گؤندریلیب. او، واخت آشیری و داواملی اولاراق خسته‌خانایا گؤندریلمه‌لی و اوزمان حکیمه تئز تئز موراجعت ائتمه‌لیدیر. لاکین بوتون موعاینه‌‌لره باخمایاراق، ۵ آیا یاخیندیر کی، “موعالیجه‌‌‌نی” داوام ائتدیرمک اوچون اوزمان حکیمه گؤندریلمه‌ییب و دونن فیزیکی دورومونون پیسلشمه‌سی و ساغلیق اورقانلاری‌نین موشاهیده‌سی ایله گؤندریله‌جکدی کی، فرزادی‌نین مانعه‌سی اوزوندن بونو ائتمک مومکون اولماییب.
عینی زاماندا، حسین رزاق بیر سیرا خسته‌لیکلردن، او جومله‌‌‌دن کسکین سینیر-عضله چاتیشمازلیغینا سبب اولان گیلن‌باره سندروموندان و هیپوکلسمی خسته‌لیگیندن کی سوموک چورومه‌سینه نه‌دن اولور اذيت چکیر. اونون هیپوفیز وزی جدی زده‌لنمیش و او دا قاراجییر خسته‌لیگیندن اذيت چکیر.
سون آیلاردا بو سیاسی محبوسو موعالیجه ائتمک یئرینه اونا آنجاق چوخ گوجلو آغری‌کسیجیلر یازیبلار، حبسده اولماسی اوچون عدلی طب حکیمی‌نین اؤنردیگی شرطلرین هئچ بیری تعمین ائدیلمه‌ییب.
