اوین حبس‌خاناسیندا حبسده اولان تورک فعاللارا آغیر جزالار وئریلیب
چیخاریلان حؤکملره اساساً، حسین پیری توپلاشماق و ال بیر اولماق اتهامی ایله ۵ ایل، عبدالعزیز عظیمی قدیم توپلاشماق و ال بیر اولماق اتهامی ایله ۵ ایل و رئژیمه قارشی تبلیغات اتهامینا گؤره ده بیر ایل، آراز امان، باقر حاجی‌زاده و آیاز سیف‌خواه جاسوسلوق اتهامی ایله ۸ ایل و توپلاشماق و ال بیر اولماق اتهامی ایل ده بیر ایل آزادلیقدان محروم ائدیلیبلر. کمال نوری ده توپلاشماق و ال بیر اولماق اتهامی ایله ۲ ایلی شرطی اولماقلا ۳ ایل مدتینه آزادلیقدان محروم ائدیلیب.
طاهر نقوی و مرتضی پروین-ین حؤکملری هله آچیقلانماییب.
«آراز امان»، «طاهر نقوی»، «مرتضی پروین»، «حسین پیری»، «عبدالعزیز عظیمی قدیم»، «باقر حاجی‌زاده»، کمال نوری و «آیاز سیف‌خواه»، اؤتن ایلین بهمن آییندا اؤلکه‌نین گوونلیک قوه‌لری طرفیندن ایران عینی آنلیق عملیاتلاردا آذربایجانین چئشیدلی شهرلرینده حبس ائدیله‌رک اوین حبس‌خاناسینا کؤچورولوب.
