اوینین 8-جی بندینین سیاسی و ویجدان محبوسلارینین 20:30 پروقرامینین رئپورتاژی ایله باغلی آچیقلاماسی
اوین حبس‌خاناسی‌نین 8-جی بندینده بیر سیرا سیاسی و ویجدان محبوسو 22 مرداد 1399-جی ایل تاریخینده ایسلام جمهوریییتی رادیو و تلویزیونونو طرفیندن کرونا ویروسونون یاییلدیغی گونلرده حبس‌خانا موحیطی حاقیندا یاییملانان «20:30» وئریلیشینده‌کی خبره تئبکی گؤستردیلر. آچیقلامانین متنینی آشاغیدا اوخویا بیلرسینیز.
***
ایسلام جمهوریییتی رادیو و تلویزیونوندان یاییملانان یالان دولو بیر رئپورتاژ کی، بو قورومون یالان دئمئکدن باشقا هئچ بیر گؤروی‌نین اولمادیغینی بیلیریک. آنجاق اجتماعی رایی آیدینلاتماق و اونلارین یئنیدن محبوسلارین وضعيتی باره‌ده دقتلرینی چکمک قرارینا گلدیک. 22 مرداد 1399 دا 20:30رئپورتاژی باره‌ده حقیقت آختاران اینسانلاری معلوماتلاندیرماق (خوصوصاً کی ایراندا حقیقتین آردینی توتماق جینایتدیر). ایسته‌دیک.
1 – شکیللرده گؤردویونوز دئزینفئکسییا ائدن تونل بیزی گولدوردو؛ اصلینده هئچ بیریمیز بونون مؤوجود اولدوغونو بیلمیردیک، هاردا قالسین کی حبس‌خانایا گیرنده ایستیفاده ائدک.
2 – بیرینجی بندین قرنطینه‌سی 14 گون دئییل بلکه یئنی گلن محبوسلار اوچون بیر نئچه ساعت و یا نهایت بیر گوندور و یئنی گلن محبوسلار دؤرد، یئددی و سککیزینجی بندلرده باشقا محبوسلارین یانیندا فورمالیته اولاراق قرنطینه‌ده‌دیرلر، نومونه اولاراق بندلرین بیری‌نین قرنطینه شرحینی آچیقلایاجاییق.
3- دؤردونجو بندیدن یاییملانان رئپورتاژ، «فرهنگیان رزرو فوندو»، «سرمایه بانکی»، «ثامن موسسه‌سی و بیر نئچه دیگر تانینمیش ایختیلاسگر و اتومبیل سولطانی، تاریخی گئچمیش سیپاه کوماندیرلری (محبوسلارین غضبیندن قورخاراق دا، اونلارین معین آدلاری یوخدور و مثلا، بونلاردان بیری‌نین آدی سردار «سیف« دیر) و دیگر صلفلری اورادا یاشاییردیلار و مظلوم ایران خالقیندان تالان ائتدیکلری ایله لوکس اوتاقلاری اؤزلرینه توتوبلار و بو حدیندن آرتیق اوستونلوکلرله بو بندده ایسته‌دیکلری قایدا و صلاحیتلری قوروبلار.
بو اوتاقلاردا قالانلار «حسین فریدون» (جمهورباشقانی‌نین قارداشی)، «محمدعلی نجفی»، تهرانین کئچمیش بلدیه باشقانی (قتل اوچون اساساً حبس‌خانانین بو بندینده اولمامالیدیر)، «حیدری‌فر» (کهریزکین جانی حاکمی) و «مهدی هاشمی»، (کی یئددینجی بندده خوصوصی بیر اوتاقدا و مرخصی‌ده اولمادیغی گونلرده اورادا قالیر) بو اوتاقلاردا یاشاییرلار؛ یوخسول جمعيتدن اولان اینسانلارین، هابئله حبس‌خانادان کناردا اولدوقلاری اوتاقلار کیچیک بیر اؤده‌نیش اوچون خیدمتلر گؤسترمه‌یه مجبور اولورلار.
بئله‌لیکله، حبس‌خانادا تامامیله صینیف و آیری‌سئچکیلیک سیستمی قورولوب و طبیعیدیر کی، حبس‌خانالار تشکیلاتی و محکمه اورقانلاری بو جور شوولار اوچون حبس‌خانانین بیر حیصه‌‌‌سی‌نی، ویترین (اوین) ائده‌رک اؤز نیماییشلرینی گؤستریللر.
4. آنجاق سککیزینجی بندین حِکایه‌‌سی فرقلیدیر؛ حبس‌خانا مامورلاری‌نین اؤز سؤزلرینه گؤره بو بندین «سورگونلرین یئری»، رولونو اویناماسی اِحتیمال اولونور. اؤنجه، شکیللرده گؤردویونوز ساغلاملیق مرکزینده لازیمی طبّ ایمکانلاری یوخدور و طبّی و اجزاچیلیق ایمکاناتلاری چاتیشمازلیغیندان اذيت چکیر و خسته‌لره ان کیچیک طبّی خیدمتلر گؤستره بیلمیر. بو ساغلاملیق مرکزی خسته‌لره ایختیصاصلاشدیریلمیش و بعضاً حتی ایختیصاصلاشمامیش درمانلارین اکثريتینی وئره بیلمیر. ایکینجیسی، شکیللرده‌کی سککیزینجی بندیدن آچیق شکیلده اولماسادا گؤردویونوز، او بندین یئددینجی سالونو ایدی؛ او سالون ایشچیلرین سالونودو، حبس‌خانا ایشچیلری‌نین گونده آلتی ساعتدان چوخ ایستیثمار اولوندوغو عینی سالون، حدیندن آرتیق آز امک حاقی ایله، هابئله حبس‌خانادان ائشیکده اولدوغو کیمی، آیدا 300 ایله 700 مین تومن معاش آلیر. اونلارین اکثريتی ایش یئرلرینده، کارگاهلاردا اولدوقلاری ساعتلاردا بو رئپورتاژ حاضرلامیشلار. سانکی، اونلارین ایشتیراکی حبس‌خانادان سانتیمانتال اتمسفرینین چکیلمه‌سینه مانع اولوب.
باشقا مووضوو، سککیزینجی بندین سیاسی و ویجدان محبوسلارین سککیزینجی و دوققوزونجو سالوندا اولماسیدیر و رادیو و تلویزیون مسووللاری، سیاسی و ویجدان محبوسلارینین بو قورومون حاکمییتین پروپاگانداسینی آپاراان بیر یئر اولدوغونو چوخ یاخشی بیلیرلر و بو مئدیایا ایله هئچ واخت موصاحیبه آپارمازلار. بو ایکی سالونون، خوصوصیله اهالیسی سیخلیغی اولان 9-جو سالونون آجیناجاقلی ساغلاملیق وضعيتینه گؤره، بیر نئچه کرونا خسته‌سی (حبس‌خانا مقاملاری‌نین اؤزلری‌نین دئدیگینه گؤره) و کرونا خسته‌لیگیندن شوبهه‌لیلری اولان بو ایکی سالوندا اولماغا بئله جسارت ائتمیرلر.
بوراداکی مسئله تکجه ویجدان و سیاسی محبوسلار و یا یالنیز اوین حبس‌خانالاری دئییل، اوغورسوز، آیری‌سئچکیلیک، تضییق قورولوشو و بو گونلرین اهميتینه اساسلاناراق، دیگر حبس‌خانالاردا هامیمیزین یاخشی تانیدیغیمیز بوتون حبس‌خانالارین قئیری-عادی شرطلرده اولماسیدیر. محروم ائدیلمیش شهرلر، قرچک، قزل‌حصار، بؤیوک تهران، رجایی‌شهر و باشقا کیمی حبس‌خانالار داها پیسدیر. 130 نفردن چوخ محبوسو اولان و کیچیک اولان سککیزینجی بندین (9-جو سالونو) ، یالنیز اوچ ال اوز یوما، بئش توالت و بئش حامامی وار کی پیس وضعيتینده‌دیر و بو پیس ایمکاناتدان ایستیفاده ائتمک مجبوریتیندییک. 12، 15 و 17 نؤمره‌لی اوتاقلاردا 17، 18 نفر یاشاییر و بونو نظره آلاراق باشقا حبس‌خانالاردا نه باش وئردیگینی تصوور ائتمک مومکوندور.
بو مکتوبداکی اساسیمیز، «۲۰:۳۰»، یالان و نیفرت دولو پروقرامینا جاواب وئرمک دئییل (یالان و نیفرت دولو رئپورتاژلارلا الی یوزلرله گوناهسیز اینسانین قانینا بویانمیش و خالق آراسیندا ان اییرنج مئدیالاردان بیریدیر)، آنجاق اؤلکه‌دکی محبوسلارین ساغلاملیغی و یاشاییش شرایطی‌نین آجیناجاقلی اولدوغو وضعيتین خاتیرلاتماسیدیر.
ایندی اوین حبس‌خانالاری‌نین گولونج قرنطینه‌سینده یئنی گلنلر بیر نئچه گون (مثلا، 10 و 11-جی گونلر) قرنطینه‌ده اولان اینسانلارلا بیرلیکده ساخلانیلیر و دیگر محکوملارلا ایرتیباط قورارکن، گولونج «20:30»دا گلیر و توالتده ال یوماق مایعسی‌نین اولماسیندا فؤوقلاده بیر یارادیجیلق اولاراق رئپورتاژ حاضرلاییر! و یا شوبهه‌لی کرونا سیمپتوملاری اولان اینسانلاری و کرونایا یولوخان اینسانلارلا بیرباشا تماسدا اولان اینسانلاری گؤندرمک عوضینه سککیزیجی بندیده چالیشان بیر حبس‌خانا حکیمی، کرونا خسته‌لیگی تئستی آپارماق اوچون الینی آلنینا قویاراق آتشی سیناییر و داها بیر موعاینه اولمادان نوسخه تحویل وئریلیر و گرک ده روسوا ائدیلمیش رادیو و تلویزیون قورومونون کامراسی قارشیسیندا اؤزونو شیرین‌لشدیرسین.
بو حِکایه‌‌نین سونو بیزیم اوچون نه قدر آجی اولسا، اقتدار اوچون یوز قات آجی اولاجاق.
اوین حبس‌خاناسی – 8-جی بند، 23 مرداد 1399
ایمضا ائدنلرین آدلاری:
بهنام موسیوند، بهنام محجوبی، روح‌الله (آرش) خضری، محمدهادی مهرانی، حسین محمودی، آتبین جعفریان، یاسین جمالی، علیرضا فرشی، حمید منافی، بهنام شیخی، سبحان ایمانی، مصیب رییسی یگانه (محسن رییسی)، اصغر شیری، احمد فارسی و محسن فرید.
