اون ایالتده چؤرگین قیمتینده یوزده ۲۵ قدر آرتیم اولوب
چؤرگین قیمتی‌نین حاضرکی قیمتدن یوزده ۲۵ قدر آرتیریلماسی اؤلکه‌نین ۱۰-دان چوخ ایالتینده گوندمده‌دیر و همدان کیمی بعضی ایالتلرده ده حیاتا کئچیریلیب.
همدان تاخیل ایداره‌سی‌نین باش مودیری تسنیم سایتینا وئردیگی موصاحیبه‌سینده بو ایالتده چؤرگین قیمتی‌نین یوزده ۲۵ آرتماسینا توخوناراق وورغولادی: “اؤلکه‌نین ۱۰-دان چوخ ایالتینده چؤرگین قیمتینه جاری تعرفه‌یه یئنیدن باخیلماسی گوندمده‌دیر، همدان ایالتینده ایسه چؤرگین قیمتی بو گوندن اعتباراً ایالتین اون و چؤرک ایشچی قروپونون قراری ایله یئنی تعرفه ایله یوزه قیمت یوزده ۲۵ آرتیریلاجاق.
تسنیمین وئردیگی بیلگیلره گؤره، گونئی خوراسان والیسی‌نین معاونی مهدی جعفری ده بیلدیریب: “چؤرگین قیمتی‌نین آرتیریلماسی اؤتن ایلین سونوندان گوندمده ایدی و چؤرگین قیمتی تحلیللر اساسیندا بللی ائدیلیب”.
او، اؤلکه‌نین ۱۰-دان چوخ ایالتینده چؤرگین قیمتی‌نین حاضرکی تعرفه‌دن یوزده ۲۵ قدر دوزلدیلمه‌سی‌نین گوندمده اولدوغونو بیلدیریب و دئییب: “بو مسئله داخیلی ایشلر ناظرلیگی‌نین تصدیقیندن سونرا ایالتیمیزده حیاتا کئچیریله‌جک”.
جعفری ایالتین بوغدا اکینچیلری‌نین طلبلری‌نین یوزده ۴۰-نین اؤده‌نیلمه‌سی باره‌ده ده بیلگی وئریب و بیلدیریب کی، ایالت اکینچیلری اوزون مدتدیر کی، بوغدالارینی مرکزلره تحویل وئرسه‌لر ده، طلبلرینی آلماییبلار و چتینلیکلرله اوزلشیرلر.
او، بو ایل بوغدانین بازا قیمتینی ۱۷۵ مین ریال اعلان ائدیب و ایالتین بوغدا اکینچیلری‌نین طلبلری‌نین اؤده‌نیلمه‌سی اوچون تعقیبلرین آپاریلدیغینی وورغولاییب.
اوزون مدتدیر کی، بوغدا اکینچیلری‌نین حؤکومتدن طلبلری یوبانیر و سون بیلگیلره گؤره، بوغدا اکینچیلری طلبلری‌نین یوزده ۵۰-سی هله ده اؤده‌نیلمه‌ییب.
