اورمیه گؤلونون سو سويه‌‌سی ۴۴ سانتی‌متر آزالدی
باتی آذربایجان ایالتی‌نین سو شرکتی‌نین رئیسی جاری سو ایلینده اورمیه گؤلونون ساحه‌‌‌سینده‌کی یاغیشلارین یوزده ۲۳ آزالدیغینی و اورمیه گؤلونون سو سويه‌‌سی‌نین کئچن ایله نیسبتاً ۴۴ سانتی‌متر آزالدیغینی آچیقلادی.
ظالبیان، بو ایل اورمیه گؤلو سويه‌‌سینده یاغیشین آزالماسی سببیندن کئچن ایلین عینی دؤورونه نیسبتاً ۴۴ سانتی‌متر آزالما اولدوغونو بیلدیردی و بونلاری سؤیله‌دی: اورمیه گؤلونون ایندیکی سويه‌‌سی ۱۲۷۱.۴۰ سانتی‌متر دیر کی، بو دا ۱۲۷۱.۸۴ اولان کئچن ایلین عینی دؤورو ایله موقایسه‌‌ده ۴۴ سانتی‌متر آزدیر.
او اورمیه گؤلونون مؤوجود ساحه‌‌‌سینی ۳.۵۲۶ کیلومِتر اعلان ائتدی و دئدی: گؤلون ساحه‌‌‌سی ده ۳.۷۳۲ کیلومتر اولان کئچن ایله نیسبتاً آزالمیشدیر.
کئچن هفته‌ده اورمیه گؤلونو قورتارما قرارگاهی‌نین ایالت اوزره تمثیلجی‌سی فرهاد سرخوش اورمیه گؤلونده سویونون قوروماسی‌نین بو ایل داها دا سرعتلندیگینی و سو حجمی‌نین یئنیدن بیر میلیارد مترمکعب آزالدیغینی آچیقلامیشدی.
ایکی هفته اؤنجه یوتا ایالت بیلیم‌یوردو، بو بیلیم‌یوردوندان بیر قروپ آراشدریماچی و موهندیسین اورمیه گؤلونو جانلاندیرماق اوچون ایرانلی عالیملر ایله اورتاق بیر آراشدیرمایا قاتیلدیغینی آچیقلادی.
بو آراشدیرمانین سونوجلاری “هیدرولوژی: بؤلگه آراشدیرمالاری” ژورنالی‌نین سون ساییندا درج اولونموشدور و بو آراشدیرمانین اساس تاپینتیلاریندان بیری هدف سو سويه‌‌سی‌نین بللی ائدیلمه‌سی‌نین اورمیه گؤلو پروبلئملرینی حل ائتمه‌دیگینی گؤستریر.
iranwire
