اورمیه گؤلونون سو حجمی اؤتن ایلله موقایسه‌‌ده 64 سانتیمتر آزالیب

شرقی آزربایجان بؤلگه‌سل سو شرکتی‌نین باش مودیری اورمیه گؤلونون سون سو وضعيتینی بیلدیره‌رک دئییب: بو گؤلون سویونون سویه‌‌سی ۱۲۷۰ متر ۷۳ سانتیمِتردیر کی، بو دا اؤتن ایلله موقایسه‌‌ده ۶۴ سانتیمتر آزدیر.

یوسف غفارزاده ژورنالیستلره موصاحیبه‌سینده دئییب: بو گؤلون حجمی حاضردا ۲ میلیارد ۹۸۰ میلیون کیلومتر مکعبه یاخیندیر کی، بو دا اؤتن ایلله موقایسه‌‌ده ۲ میلیارد ۱۰۰ میلیون متر مکعب آزدیر.
شرقی آزربایجان بؤلگه‌سل سو شرکتی‌نین باش مودیری دئییب: بو ایل ایالتده ۱۳۵ میلیمتر یاغینتی دوشموشدور کی، بو دا کئچن ایلله موقایسه‌‌ده تخمیناً یوزده ۲۲، اوزون‌موددتلی دؤورله موقایسه‌‌ده ایسه تخمیناً یوزده ۱۴ آزدیر.

او، داوام ائتدی: شرقی آزربایجاندا ۱۰ بؤیوک بندین سو آنبارلاری کئچن ایلله موقایسه‌‌ده یوزده ۳۱ ایالتین بندلرینه داخیل اولان سویون ایسه اؤتن ایلین عینی دؤورو ایله موقایسه‌‌ده یوزده ۲۲ آزالیب.

غفارزاده دئییب: ایالتده‌کی ماراغانین علویان بندی، سهند بندی، تبریزده‌کی نهند بندی، اهرین ستارخان بندی و بوکانین شهید کاظمی بندی و ذوغو آذربایجانین بیر سیرا بؤیوک شهرلرین ایچمه‌لی سویونو تعمین ائدیر.

او آرتیردی: البته کی، علویان بندی‌نین اؤتن ایلله موقایسه‌‌ده منفی سککیز فایز سو سويه‌‌سی وار، لاکین بو ایل شرقی آزربایجاندا ۱۰ بندده سو آنبارلاری‌نین اورتالاما آزالماسی یوزده ۲۰-دیر.