اورمیه کوچه‌لرینده پوسترلرین یئر‌لشدیریلمه‌سی؛ تورک خالقی آیاغا قالخ
اورمیه‌ده بیر قروپ آذربایجان مدنی فعال ورمیه‌ده بیر قروپ آذربایجانلی مدنی فعال دونن، ۳ مرداد ۱۴۰۲-جی ایلده شهرین کوچه‌لرینده اورمیه گؤلو قونوسوندا پوسترلر چاپ ائدیب گئنیش شکیلده قوراشدیریبلار.
ایندی ۱۵ میلیون سویداشیمیز اؤلوم تهلوکه‌‌‌سی قارشیسیندادیر.
تورک خالقی آیاغا قالخ.
آیاغا قالخ، قئیرتلی تراختورچولار.
یایین گلیشی و هاوا ایستیلیگی‌نین آرتماسی ایله اورمیه گؤلونون تامامیله قوروماسی ایله باغلی اؤن گؤرولر آذربایجان خالقینی و چئوره فعاللارینی هر زامانکیندن داها چوخ ناراحات ائدیب.
سون گونلر مدنی فعاللار اورمیه گؤلونون قوروماسینی اؤنلمه‌ک اوچون حاکیميتدن و حؤکومتدن عملی تدبیرلرین گؤرولمه‌سینی طلب ائدیبلر.
سانال اورتامدا بیر چوخ قوللانیجی اورمیه گؤلونون دیرچلدیلمه‌سی مسئله‌‌سینی تکجه چئوره‌نی قورتارماق اوچون دئییل، هم ده آذربایجان ملتی‌نین اؤلوم-دیریم مسئله‌‌سینی نظردن کئچیریب.
چئوره ساحه‌‌‌سینده اوزمانلارین فیکرینجه، اورمیه گؤلونون قوروماسی بو اراضی‌نین ۱۴ میلیوندان چوخ ساکینی‌نین حیاتینی تهلوکه آلتینا قویوب و بو اراضی ساکینلری‌نین مجبوری کؤچونه سبب اولاجاق.
اکولوژی اوزمانلارین فیکرینجه، اورمیه گؤلو اطرافیندا توز و آکتیو دوز فیرتینالاری ۵۰۰ کیلومتره قدر مسافه‌‌نی قت ائده بیلر.
