اورمیه و خوی‌دا اؤیرنجیلر زهرله‌نیب
بازار ائرته‌سی، ۲۱ فروردین ۱۴۰۲باتی آذربایجانین اورمیه و خوی شهرلرینده اوخوللارین زهرلنمه‌سی ایله باغلی بیر نئچه خبر یاییلیب.
خوی شهرینده‌کی نرگس قیزلار لیسه‌سینده اؤیرنجیلر کؤتو قوخو الدیقدان سونرا زهرلنمه علامتلری یارانیب و بعضی اؤیرنجیلر والیدئینلری طرفیندن طب مرکزلرینه آپاریلیب. آیریجا اورمیه شهرینده‌کی باشقا بیر مکتبدن ده اوخشار دوروم بیلدیریلمیشدیر.
سون بیر هفته ایچینده و اؤزللیکله دونن آذربایجانین چئشیدلی شهرلرینده اؤیرنجیلرین کوتلوی زهرلنمه‌سی خبرلری یاییلمیشدی.
ایران اوخوللارینا کیمیاسال سالدیریلار تخمیناً ۵ آی اؤنجه قوم شهرینده باشلاییب، بو زامانا قدر ۵ میندن چوخ اؤیرنجی زهرله‌نیب و طب مرکزلرینه آپاریلیب.
