اورمیه و اردبیل‌ده مخابرات امکلی‌لری‌نین اعتراض توپلانتیسی
باتی آذربایجان و اردبیل ایالتی‌نین بیر قروپ مخابرات امکلیسی دونن ۱۷ مهر ۱۴۰۲-جی ایلده اورمیه و اردبیلین محابرات بیناسی قارشیسیندا اعتراض آکسییاسی کئچیریب.
اورمیه و اردبیل مخابرات شرکتی‌نین بیر قروپ امکلیسی ایالتین مرکزی مخابرات بیناسی قارشیسیندا حؤکومتین و یئتکیلیلرین قانونی ایستکلرینه، او جومله‌‌‌دن آلاجاقلاری و امکلیلیک موکافاتلاری‌نین اؤده‌نیلمه‌مه‌سینه و دؤولت یئتکیلیلرینین دقتسیزلیگینه اعتراض اولاراق اعتراض آکسییاسی کئچیریب.
سون هفته‌لر و آیلار ایچینده گونئی آذربایجانین چئشیدلی شهرلرینده، او جومله‌‌‌دن تبریز، اورمیه، اردبیل، زنجان، قزوین، همدان و … امکلیلر و ماللارینی ایتیرنلر کوتلوی شکیلده توپلاشاراق، حوقوقلاری‌نین حؤکومت اورقانلار طرفیندن یئرینه یئتیریلمه‌سینی ایسته‌ییبلر.
امکلیلر اؤز آکسیالاریندا دفعه‌‌لرله بیان ائدیبلر کی، حوقوقلاری تام یئرینه گتیریلنه و حؤکومت اونلارین ایستکلرینی یئرینه یئتیرنه قدر توپلانتیلارینی داوام ائتدیره‌جکلر.
