اورمیه شهر شوراسی‌نین ۵ یدک عضوو موتهیم عضولرین یئرینه گتیریلدی
اورمیه فرمانداری دئدی: اورمیه شهر شوراسی‌نین بئش یدک عضوو محکمه طرفیندن فعالیتی دایاندیریلان موتهیم عضولرین یئرینه گتیریلدی.
ایران مئدیاسی‌نین وئردیگی بیلگیلره گؤره، غلامحسین عماری بونونلا باغلی بیلدیریب: جوما آخشامی گونو اورمیه شهر شوراسی‌نین بئش یدک عضوو شورانین بئش عضوونون فعالیتینی دایاندیرماسی‌نین آردینجا یدک عضولر موتهیم عضولرین یئرینه گتیریلدی.
یدک عضولرین ديیشدیریلمه‌سی‌نین گئجیکدیریلمه‌سیندن سونرا غربی آزربایجانین عدلیه رئیسی فعالیتی دایاندیریلمیش عضولرین یئرینه یدک عضولرین گتیریلمه‌سی اوچون سون تاریخ تعیین ائتدی.
غربی آزربایجان عدلیه‌سی‌نین رئیسی بو یاخینلاردا اورمیه‌ده شهر ایداره‌چیلیگی ایشی اوزره ۸۴ موتهیمین اتهام آکتینی اعلان ائدیب.
بوندان اؤنجه اورمیه فرمانداری شهر شوراسی‌نین بئش یدک عضوونون آدلارینی مرتضی بهرام، یعقوب حسینی، علی مصطفی زاده ، توحید علی نژاد و عادل اعظم انهر اولاراق آچیقلامیشدی.
#آذربایجان_خبرلری #اورمیه
