اورمیه بلدیهسینین چالیشانی و شهر پروژه لری‌نین بیری‌نین ایش‌گؤتوره‌نی حبس ائدیلیب
غربی آزربایجانین عدليه‌‌‌سی‌نین رئیسی دئییب: اورمیه بلدیهسینین چالیشانی و شهر پروژه‌لری‌نین بیری‌نین ایش‌گؤتوره‌نی یولسوزلوق اتهامی ایله حبس ائدیلیب.
ناصر عتباتی بونونلا باغلی آرتیردی: ایالت باش موفتیشلیگی‌نین راپورونا گؤره، بو ایشچی یولسوزلوق و ۲۴ میلیارد تومنلیک فساد اتهامی ایله تعقیبه آلینیب.
او آرتیردی: تقصیرلندیریلن شخصلر توتولدوقدان سونرا پرونده‌نی آراشدیران موستنطیقین قانونی قرارینا اساساً توتولاراق حبس‌خانایا گؤندریلیب.
غربی آزربایجانین عدليه‌‌‌سی‌نین رئیسی آرتیردی: تؤره‌دیلن جینایتلرین اؤلچولری و علاقه‌‌‌لی شخصلرله باغلی آرتیق آراشدیرمالار داوام ائدیر و بو قونودا بیلگی وئریله‌جک.
بو جور جینایتلرین تؤرتیلدیگینه گؤره تأسفلندیگینی بیلدیرن عتباتی دئییب: خزانه قایناقلارینی قوروماق، اونون ایصرافچیلیغینا یول وئرمه‌مک عدليه اورقانلاری‌نین اؤنجلیگی‌دیر و بو حالدا بیز هئچ بیر تولئرانتلیغی قبول ائتمیریک.
غربی آزربایجان عدلیه‌سی‌نین رئیسی بو یاخینلاردا اورمیه‌ده شهر ایداره‌چیلیگی ایشی اوزره ۸۴ موتهیمین اتهام آکتینی اعلان ائدیب.
کئچن هفته ده اورمیه فرمانداری اورمیه شهر ایداره‌چیلیگی پرونده‌سی اوزره چیخاریلان اتهام آکتینا توخوناراق دئمیشدی: شهر شوراسی‌نین بئش عضوونون محکمه‌‌نین قراری ایله فعالیتی دایاندیریلیب.
#آزربایجان_خبرلری #اورمیه
