اورمیه‌لی وطنداش آیدین مرادخانی گوونلیک گوجلری طرفیندن توتولدو
هرانا خبر آژانسی‌نین وئردیگی بیلگیلره گؤره، جوما آخشامی ۵ فروردین ۱۴۰۰-ده، ساعت ۱۰-دا اورمیه‌لی وطنداش و ایران آراشدیرماجیلار تشکیلاتی‌نین عضوو آیدین مرادخانی گوونلیک گوجلری طرفیندن ائوینده حبس ائدیلدی و بیلینمه‌ین بیر یئره کؤچورولدو.
مامورلار بو وطنداشین بیلگی‌سایاری، جیب تلفونو و علمی یاریشلاری ایله باغلی مئداللاری کیمی شخصی اشیالارینا ال قویوبلار.
جناب مرادخانی‌نین عائله‌‌‌سی‌نین اوغوللاری‌نین دورومونو ایزله‌مک اوچون باشووردوقلاریندان سونرا بو گون گوونلیک گوجلری جناب مرادخانی‌نین آتاسینی تلفونلا اورمیه اطلاعات ایداره‌سی‌نین بیلگی اوفیسینه چاغیردیلار. جناب مرادخانی‌نین عائله‌‌‌سینه یاخین بیر قایناغین وئردیگی بیلگیلره گؤره، آیدین مرادخانی‌نین آتاسی اوغلونون موناسیبتلری ایله باغلی دیندیریلیب.
جناب مرادخانی‌نین توتولماسی‌نین سببلری، اونا قارشی آچیلان اتهاملار و هارادا اولدوغو هله بیلینمیر.
Iranwire
