اورمیه‌ده اوخوللار توز ندنی‌ایله تعطیل ائدیلدی
ایالت ائیتیم ایداره‌سی‌نین خالق ایله ایلیشگیلر اوزره وئردیگی آچیقلامایا گؤره، اورمیه شهرینده حدیندن آرتیق توز سببیندن بو شهرده‌کی بوتون مکتبلر (او جومله‌‌‌دن اورمیه و انزل، صوما، سیلوانا و نازلو بؤلگه‌لری) بازار ائرته‌سی، ۲۶ اردیبهشت گونورتادان سونرا تعطیل ائدیلدی.
غربی آزربایجان ائیگتیم مودیرلیگی‌نین وئردیگی بیلگیلره گؤره، اورمیه شهرینده حدیندن آرتیق توزون داوام ائتمه‌سی ایله باغلی بو شهرین هاوانین چرکلنمه‌سینه قارشی ایشچی قروپونون قرارینا اساساً اورمیه شهری‌نین بوتون مکتبلری تعطیل ائدیلدی.
سون هفته‌لرده آزربایجانین چئشیدلی شهرلرینده هاوا چرکلیلیگی یوخاری سویه‌لرده ایدی و بیر چوخ گون حساس یاش قروپلاری اوچون ساغلیقسیز اولموشدور.
چرکلنمه ایندکسی صیفیردان ۵۰ رقمینه قدر تمیز هاوا، ۵۰-دن ۱۰۰ ایندکسه قدر ساغلام هاوا، حساس قروپلار اوچون ۱۰۰-دن ۱۵۰ ایندکسه قدر ساغلیقسیز هاوادیر و آیریجا، ۱۵۰-دن ۲۰۰ ایندکسه قدر بوتون قروپلار اوچون هاوا ساغلیق‌سیزدیر.
ایران ساغلیق ناظرلیگی‌نین ساغلاملیق و ایقلیم ديیشیکلیگی قروپونون رئیسی عباس شاهسونی اؤتن ایل تهراندا هاوانین چرکلنمه‌سی سببیندن ۳ مین ۷۵۱ نفرین اؤلدویونو آچیقلاییب.
#آذربایجان_خبرلری #اورمیه
