اورمیه‌ده اعتراض قوربانلاری‌نین شکیللرینی یایان موعلیمین جزالاندیریلماسی ۳ خرداد ۱۴۰۳
آذربایجان سیاسی محبوسلاری‌نین ساوونما درنگی‌نین یایدیغی بیلگیلره گؤره، باتی آذربایجان‌دا ایشله‌ین موعلیم کریم بستانچی خضرآباد، ۱۴۰۱ اعتراضلاریندا اؤلنلرین شکیللری‌نین لازیمسیز یایماق ایله رژیمه قارشی تبلیغات آپارماق اتهامی ایله حبس و اک جزالارا محکوم ائدیب.
بو خبره گؤره، باتی آذربایجان ایالتی‌نین تئمییز محکمه‌‌سی بو موعلیمی و موعلیملر بیرلیگی فعالینی ۶۸ گونلوک حبس، موبیل تلفونونو موصادیره ائتمک، ۱۵ میلیون تومن جریمه و اینستاگرام صفحه‌‌‌سینی باغلاماقلا جزالاندیریب و اعتراضلارین قوربانلاری‌نین شکیللرین یاییملانماسینی “فاکتلارا قارشی” اولدوغونو و بونون “یاپیجی تنقید”له هئچ بیر علاقه‌‌‌سی اولمادیغنی و بونا گؤره ده جناب بستانچی‌نی رژیمه قارشی تبلیغات آپارماقدا و یالان یایماقدا اتهام ائدیلیب.
کریم بستانچی خضرآباد داها اؤنجه سانال اورتامدا فعالیتینه گؤره اورمیه اینقیلاب محکمه‌‌سی‌نین ایکینجی شؤبه‌سینده اوچ آیلیق حبسه محکوم ائدیلیب و جزا محکمه‌‌سی‌نین ۱۱۰-جو شؤبه‌سی ایسه موبیل تلفونونون موصادیره ائدیلمه‌سی و ۱۵ میلیون تومن پول جزاسینا محکوم ائدیلمیشدی.
باتی آذربایجان ایالتی‌نین ائیتیم چالیشانلاری‌نین ایداری خطالار ایداره‌سی ده جناب بستانچی‌نین کراوات ایله شخصی شکیللری‌نین درجینه ایستیناد ائده‌رک، اونو باتی حیات طرزینی تبلیغ ائتمک و موعلیملر بیرلیگینی دستکله‌دیگینه و یئتکیلیلره قارشی آشاغلاییجی سؤزلر ایشلتدیگینه ایستیناد ائده‌رک اونو بیر درجه آشاغی سالماق و مجبوری امکلیلیگه چیخماسینا محکوم ائتمیشدی.
کریم بستانچی اورمیه ۲-جی ائیتیم بؤلگه‌سینده اینگیلیس دیلی موعلیمیدیر و ائیتیم ساحه‌‌‌سینده ۲۷ ایللیک تجروبه‌یه مالیکدیر.
