اورمو گولونون ۹۵% قورویوب
امیر عباس جعفری اؤلکه‌نین قوزئی و دوغو ایالتلری‌نین سو و الکتریک صنایع‌سی مودیرلری‌نین بؤحرانین ایداره ائدیلمه‌سی و پاسسیو ساوونما اوزره کووردیناسییا شوراسی‌نین تیکان تپه‌ده کئچیریلن ایجلاسیندا آرتیریب: قوراقلیق، سویون بوخارلانماسی، اکینچیلیگین کنترل اولمادان گلیشمه‌سی اورمیه گؤلونون قوروماسی‌نین ان اؤنملی عامللریندندیر.
جعفری سو قیتلیغی‌نین بؤلگه‌ده جدی بؤحران اولدوغونا دقت چکیب و علاوه ائدیب: بو بؤحرانی ایچمه‌لی و قئیری-ایچمه‌لی سولارین آیریلماسی، آتیق سولاری‌نین تکرار ائمالی، یئنی سو تمیزلییجی آوادانلیقلارین ایستیفاده‌سی و سو تجهیزاتی قورغولاری‌نین ديیشدیریلمه‌سی ساحه‌‌‌سینده کولتورل ایشلر گؤرمک ایله ایداره ائتمک اولار، اونا گؤره ده بو ساحه‌‌‌ده ایداره‌ائتمه و بیلگیلرین بیلرلشدیریلمه‌سی چوخ اؤنملیدیر.
او دئدی: سون بئش آیدا شاختا، دولو و طوفان کیمی حادثه‌‌‌لرله باغلی غربی آزربایجانین اکینچیلیک سئکتورونا ۲ مین میلیارد ریال، گؤزله‌نیلمز حادثه‌‌‌لر سونوچوندا ایسه بو ایالتین یاشاییش آل یاپیلارینا، بینالارینا و یوللارینا ۱۲۰ میلیارد ریال زیان ديیب.
اوزمانلارین فیکرینجه، اورمیه گؤلونون ساحللرینده توز طوفانلاری و آکتیو دوز فیرتینالاری ۵۰۰ کیلومتره قدر مسافه‌‌نی قت ائده بیلر.
کئچن آی شرقی آزربایجان اکین و طبیعی قایناقلار بیرلیگی تشکیلاتی‌نین رئیسی دئمیشدی: گؤل قورودوقجا بؤلگه‌نین اکینی و ۱۴ میلیون اینسانین حیاتی تهلوکه آلتینا دوشور.
آزربایجانلی مدنی فعاللار دا سون زامانلاردا چیخیشلار ائده‌رک رییسی حؤکومتی‌نین بو مسئله‌‌یه ذره قدر دقت یئتیرمه‌دیگینی و بوتؤولوکده حؤکومتین بو بؤحرانی حل ائتمک اراده‌سی‌نین اولمادیغینی بیلدیریر.
#آزربایجان_خبرلری #اورمیه_گؤلو
