اورمو گؤلونون آدالاری سویون آزالماسی سببیندن بیر-بیرینه یاپیشیب
چینار – غربی آذربایجان چئوره محافظه‌‌‌سی باش مدیرینین سؤزلرینه گؤره، غربی آذربایجان استانیندا ان واجیب اکولوژی پروبلئم سو پروبلمی، اؤزللیکله سون بیر ایلده اورمو گؤلونون سويه‌‌سی‌نین آزالماسی‌دیر. بو دا بؤلگه‌ده دوز توزاناقلارینین ریسکینی آرتیبدیر.
چینارین ایسنایا استنادا وئردییی معلوماتا گؤره مهران نظری دئد‌ی: ایندی اورمو گؤلونون ارتفاعسی کئچن ایله نسبت تخمینا ۶۱ سانتی متر آزالدی و ساحه باخیمیندان دا گؤلونون سو آلتی سطحی ۱۴۲۳ کیلومتر مربع آزالمیش‌دیر. بونا اساسلاناراق اورمو گؤلونون سو حجمی ایسه ۲ میلیارد متر مکعب آزالیبدیر.
او موجود وضعیتی بحرانی آدلاندیراراق قئید ائتدی: یوخاریدا گؤستریلن‌لره اساسا، اوز وئره بیله‌جک دوز فیرتینالارینین انسان جمعيت‌لرینه و گؤلون اطرافینداکی یاشایانلارا منفی تاثیرلری اولا بیلر.
نظری آرتیردی: اورمو گؤلونون سولارینین آزالماسی ندنی ایله آدالار آرتیق بیر-بیرینه یاپیشاراق، یوللار باتلاغا چئوریلمیشدی. بونا گؤره ده اورمو گؤلونون میللی پارکی‌نین مسئول‌لارینین آدالارا موتوری قاییق‌له گئدیب گلمه‌سینی چتین‌لشمیشدیر. بو مسئله ده اورمو گؤلونون آدالاری و نادر وحشی طبیعت نوعلارینین یاشامینی تهلوکه‌یه سالا بیلر.
چینارین وئردییی معلومات گؤره بو آدالارین اورمو گؤلونون قورولوقلارینا یاپیشماسی ببر، تولکو و چاققال کیمی ات یئین نوعلارین گیرمه‌سی هابئله وحشی حیاتین آدالاردان چیخماسینا زمین یاراتمیشدی. بو دا آدالارین طبیعی اکوسیستمینی بیر سیرا انگل‌لر یارادیب، وحشی حیاط اوچون ده تهلوکه‌لر یاراداجاق‌دیر.
