اهوازلی امکلیلر: معاشلاریمیزی دلارلا حسابلایین
هواز سوسیال گوونلیک تشکیلاتی امکلیلری، معاشلاری‌نین یاشاییش خرجلرینی ديری قدر آرتماسینی ایسته‌دیکلرینی سؤیله‌ییرلر.
اونلار چارشنبه آخشامی خوزیستان ایالتی‌نین سوسیال گوونلیک ایداره‌سینه موراجعت ائتدیکلرینی و بیرلیک طلبلری‌نین یئرینه یئتیریلمه‌سینی طلب ائتدیکلرینی سؤیله‌دیلر.
سوسیال گوونلیک قانونونون ۹۶-جی ماده‌‌سینی تنزوله گئتمه‌دن تطبیق ائتمک، معاشلاری‌نین یایاییش خرجلری قدر آرتیرماسی و منزیل حاقلاری‌نین منزیلین حقیقی ديری قدر آرتیرماق امکلیلرین ان اونملی طلبلریندندیر.
اونلار آیریجا «اساس سیغورتا خیدمتلری‌نین تکمیل‌لشدیریلمه‌سینه و برابر‌لشدیرمه حسابلامالار ایله اؤده‌مه فورموللاری‌نین درحال نظردن کئچیریلمه‌سینه» چاغیردیلار.
بو امکلیلر دئییرلر: «یاشاییش خرجی‌نین نیسبتی یئددی میلیون تومنی کئچسه ده، ایکی میلیون ۸۰۰ مین تومن برابر‌لشدیرمه‌یه بئل باغلایا بیلمریک.»
اونلار سوروشوبلار«تورروم و باهالیق قارشیسیندا اؤزوموزو و عائله‌‌‌لریمیزی نئجه تعمین ائتمه‌لی‌ییک؟! یوخسوللوق حدی‌نین نه قدر آلتیندا اولدوغوموزو گؤسترمک اوچون معاشلاریمیزی دلارلا حِسابلایین.»
