اهوازدا بیر الکل آنباریندا چیخان یانغیندا ۱۲ یانغین‌سؤندورن یارالاندی
اهواز یانغین‌سؤندورمه شؤبه‌سی‌نین رئیسی، ۶ خرداد جوما آخشامی، اهوازداکی عامری کوچه‌سنده بیر الکل آنباریندا باش وئرن یانغیندا ان آزی ۱۲ یانغین‌سؤندورنین یارالاندیغینی سؤیله‌دی.
ابراهیم قنبری بو حادثه‌‌‌نی بو ایلین باشلاریندان بری “ان گوجلو یانغینلاردان” بیری اولاراق آدلاندیردی و بو آنبارین ایچینده‌کیلره گؤره 7 خرداد ۱۴۰۰-جو ایل جوما گونو ایضاح ائتدی: “یانغین سؤندورمه عملیاتینا ۱۰۰-دن چوخ یانغین‌سؤندورن و ۲۰ یانغین‌سؤندورن ماشینی گؤندریلدی. بو عملیاتدا ۱۲ یانغین‌سؤندورن یارالانیب و اونلاردان ۹ نفری طالقانی خسته‌خاناسینا آپاریلیب.”
اهواز یانغین‌سؤندورمه رئیسی یانغینین کؤهنه یاشاییش ائوینده‌کی ایجازه‌سیز الکل آنباریندا باش وئردیگینی و اوزمانلارین یانغینین سببلرینی آراشدیردیقلارینی سؤیله‌دی.
سون بیر هفته ایچینده آبادان پالایشگاهیندا چیخان یانغین دا اوچ ایشچینی گاز زهرلنمه‌سی سببی ایله یارالادی.
iranwire
