انانیموس قروپو خامنه‌ای نین اینترنت سایتینی و ۱۰۰۰ گیزلی کامئرانی هکله ییبلر
انانیموس قروپو آیریجا بیلدیریب کی، رادیو و تلویزون قورومو هکلنمه قورخوسو ایله سایتلارینی باغلاییب و بو سایتلارا یالنیز ایرانین ایچیندن گیرمک اولار.
بو قروپ خبردار ائتدی کی، تئزلیکله رادیو و تلویزون قورومونون سایتلارینی ال‌چاتماز ائده‌جک.
انانیموس قروپونون ایران حؤکومتینه قارشی ساواش اعلانی زامانی حؤکومتین خبرلشمه مرکزی عاغیللی حؤکومتین میلی پورتالی، مرکزی بانکین اینترنت سایتی، عدلی طب، ارشاد ناظرلیگی و حؤکومت رادیوسونون اینترنت سایتی و ایسلام جمهورییتی تلویزیونو هدفه آلینیب.
بو اینترنت سایتلاریندان بعضیلری بللی مدتدن سونرا نورمال وضعيتینه قاییدیب، باشقالاری، مثلا، ایسلام جمهورییتی‌نین لیدری‌نین اینترنت سایتی – هم فارس، هم ده اینگیلیس دیللرینده اولان سایتلار هله ده مؤوجود دئییل.
اوکراینایا هوجوما گؤره داها اؤنجه روسیا حؤکومتینه ساواش اعلان ائدن انانیموس قروپو توییتر صفحه‌‌‌سینده ایران خالقینا موراجعت ائدیب. بیز بورادا سیزینلییک. بو قروپ آیریجا ایران حؤکومتینه بیزی گؤزله‌یین دئدی.
#ایران_خبرلری #انانیموس
