«ام‌پی‌اس» خسته‌لری‌نین عائله‌‌‌لری: درمان چاتیشمازلیغی آمریکانین تحریم‌لری ایله علاقه‌‌‌لی دئییل
ام‌پی‌اس خسته‌لری و عائله‌‌‌لری درمان چاتیشمازلیغی‌نین آمریکانین تحریملریندن دئییل، ایرانداکی صحیه مسووللارینین و قوروملاری‌نین صحو یؤنتیملری‌نین نتیجه‌سی اولدوغونو سؤیله‌ییرلر.
اونلار کئچن بازار گونو فخر رازی کوچه‌سینده‌کی قیدا و درمان تشکیلاتی‌نین بیناسی قارشیسیندا تشکیلات مسووللارینا قارشی یوکسک سسله شوعارلار وئره‌رک توپلاشدیلار.
تشکیلاتین باشقانی محمدرضا شانه‌ساز اعتراضچیلارین یانینا گله‌رک گونئی کره‌دن بو خسته‌لر اوچون درمان ایدخالی‌نین اوغورسوز اولدوغونو بیلدیردی.
خسته‌لردن بیری‌نین آتاسی دا اونو خطاب ائده‌رک «یالانچی!» آمریکا شرکتی و ایران شرکتی ایله دانیشمیشام. بو درمانی سیزه ساتماقدا بیر پروبلئملری یوخدو. ایدخال ائدن شرکت ده درمانی ایدخال ائتمکده پروبلئم یاشامیر. آمریکا پروبلئم دئییل. ارز پروبلئم دئییل. پروبلئم سیزین تشکیلاتینیزدی. درمانیمیز سیزین یانینیزدا گیریفتار اولوب.»
باشقا بیر خسته‌نین آتاسی دئییر «بو تشکیلات دئییر کی، مرکزی بانک بیزه ارز آییرمیر، آنجاق مرکزی بانک ارز آییردیغینی آنجاق بو تشکیلات آییردیقلاری ارزی اوچ ام‌پی‌اس (۱) درمانینی کیچیک دوزالاردا ایدخال ائتمیش.»
بو آتا علاوه ائتدی «بو درمانلار آمریکادا اولدوغو اوچون آمریکانین بیزی تحریم ائتدیگینی سؤیله‌ییرلر. آمریکانین بیومارین شرکتی بو درمانلارین تحریم ائدیلمه‌دیگینی و پول گؤندرمکده بیر پروبلئم اولمادیغینی سؤیله‌ییر.»
بو آتا علاوه ائتدی آمریکالی شرکتین مسووللاری دئییرلر «ایرانین موختلیف اؤلکلرده اولان دلارلاری بئله درمان اوچون اؤده‌نیله بیلر. آنجاق ایرانلی یؤنتیجیلر پولو اؤزوموزه وئرین تاکی بیز آلاق دئییرلر. بونلار دئییرلر کی، آمریکا بو درمانی تحریم ائدیب، آما آمریکا بو درمانی تحریم ائتمه‌ییب، بیز اؤزوموز تحریم ائتمیشیک.»
او علاوه ائتدی «قیدا و درمان ایداره‌سی‌نین دولایی یوللا شرکتلره درمان ایدخالینی قئیدیاتدان کئچیرمه‌سینه ایذین وئرمیر و بو شرکتلرین مودورلرینه دئییبلر کی، بیزه بو آندان ام‌پی‌اس ایدخال پروفرماسینی گتیرمه‌یین.»
ام‌پی‌اس خسته‌لره دستک درنگی‌نین کاتیبی، «هئپیمیز درمانلاریمیزلا علاقه‌‌‌لی قونونون تحریم اولمادیغینی قبول ائدیریک» دئدی.
توپلانیش و ام‌پی‌اس خسته‌لری‌نین عائله‌‌‌لری‌نین آچیقلامالاری، ایسلام جمهوریییتی‌نین مقاملاری‌نین سون ایللرده درمانین قلوبال تحریملره معروض قالدیغینی و قلوبال بازارلاردا ساتین آلا بیلمه‌یه‌جکلرینی دفعه‌‌لرله ادعا ائتدیکلری بیر وضعيتده باش وئریر.
