امیر بدری تبریز ساوجیلیغی‌نین ۱۵-جی ایستینطاق شؤبه‌سینه چاغیریلیب
تورک مدنی فعال امیر بدری دونن ۱۸ تیر ۱۴۰۳-جو ایلده ثنا عدليه سیستمی واسطه‌‌‌سیله آلدیغی بیلدیریشده اتهاملارینی ایضاح ائتمک اوچون یاخین بئش گون ایچینده تبریز ساوجیلیغی‌نین ۱۵-جی ایستینطاق شؤبه‌سینده اولمالیدیر.
سؤزوگئدن شؤبه‌نین موستنطیقی سیدعلی موسوی اقدمین وئردیگی بیلدیریشده جناب بدری‌نین اتهامی “ایران ایسلام جمهورییتینه قارشی تبلیغات” اولاراق بیلدیریلیر.
جناب بدری‌یه قارشی بو اتهامین ایره‌لی سورولمه‌سی‌نین سببلری ایله باغلی دقیق بیلگی یوخدور، لاکین اولا بیلسین کی، قئید اولونان پرونده ۹ آذر ۱۴۰۳-ده آتاسی‌نین ائوینده گوونلیک ایشچیلری‌نین ایشتیراکی و اونون سورغو-سؤال ائدیلمه‌سی ایله باغلیدیر.
امیر بدری تبریز بیلیم‌یوردونون متالوژی موهندیسلیگی فاکولته‌سینی بیتیرمیش و بو بیلیم‌یوردوندا آذربایجان اؤیرنجی حرکاتی‌نین فعاللاریندان اولموشدور.
Iranwire
